اسلام آباد۔ 29 جنوری (اے پی پی) وزیر مملکت پارلیمانی امور علی محمد خان پارینے کہ ٹائیگر فورس کورونا نا دین اٹی غریب الس نا کمک ءِ کننگ کن پبی کڑد ادا کرے، ہراتم کورونا نا دین اٹی رکھی گام گیج اختیار کننگ نا وخت بس تو اپوزیشن جلسہ جلوس کننگ کن پیش تما۔ جمعہ نادے آ ایوان بالا ٹی وقفہ سوج آتیٹی اوپارے کہ ٹائیگر فورس انا ورناک راج انا نیزگار بندغ آتا پیدواری ءِ کریر و اوفتا کمک اٹ یک و نیم کروڑ خاہوت آتے مالی کمک فراوان کننگا۔ دا فورس بیرہ اسہ منشاکار ءُ فورس اسے، دانا کاریم مخلوق نا کمک ءِ کننگ نا ءِ، محکمہ غاتا باندات آتیٹی مداخلت اف۔ اوپارے کہ ہراتم مچ آ قوم مشکل اٹی ئس تو ہمووخت آ دا فورس ءِ جوڑ کننگا۔ کورونا نا دین انا اولیکو ریسہ ٹی اپوزیشن کاروباری سرجزآتے بند کننگ نا خواست کریکہ ولے ارٹ میکو ریسہ ٹی ہراتم رکھی گام گیج اختیار کننگ نا وخت بس تو اپوزیشن جلسہ جلوس کننگ کن پیش تما۔ ٹائیگر فورس آ حکومت اسہ روپئی اس ہم خڑچ کتنے۔
