پلی بارگین عدالت نا منظوری آن مننگ کیک، سلاہکار احتساب و داخلہ شہزاد اکبر نا ایوان بالا نا دیوان اٹی ورندی

اسلام آباد۔ 29 جنوری (اے پی پی) وزیراعظم نا سلاہکار احتساب وداخلہ شہزاد اکبر پارینے کہ رضاکارانہ وڑاٹ زرانا واپسی ءِ سپریم کورٹ انا پرمان آ چٹفنگانے، پلی بارگین عدالت نا منظوری آن مننگ کیک۔ جمعہ نادے آ ایوان بالا نا دیوان اٹی سینیٹر ذیشان خانزادہ، جاوید عباسی و عثمان کاکڑ نا سوج آتا ورندی ٹی سلاہکار احتساب و داخلہ شہزاد اکبر پارے کہ اسہ عدالت اسے ٹی ہم سماعت نا وخت آ تروک آ ریمارکس عدالتی پرمان مفک ولے زر انا رضاکارانہ وڑاٹ واپسی ءِ سپریم کورٹ نا پرمان آ چٹفنگانے۔ پلی بارگین اٹ دا پاننگ سہی اف کہ کس اسے برمتہ کرسا اوڑتون معاہدہ کننگک۔ اوپارے کہ پلی بارگین اسٹ تو سزااسے و ایلو عدالت نا مون آ عدالت نا منظوری آن پلی بارگین کننگک۔