اسلام آباد۔ 29 جنوری (اے پی پی) نیشنل کمانڈ اینڈ آپریشن سینٹر (این سی او سی) نا رداٹ تدوک آ بیست ءُ چار گھنٹہ ٹی کورونا دین آن 46 مرک رپورٹ مس، ہرافتیان 17 مرک وینٹی لیٹر آتیا ساڑی ناجوڑ آتا ئسر۔ تدوک آ بیست ءُ چار گھنٹہ ٹی کورونا دین آن غٹ آن زیات پنجاب اٹی و اوکان پد سندھ اٹی غٹ آن زیات مرک ریکارڈ کننگانے۔ جمعہ نادے آ نیشنل کمانڈ اینڈ آپریشن سینٹر نا کنڈآن جاری تازہ حساب وکتاب نا رداٹ تدوک آ 24 گھنٹہ ٹی مچ آ ملک اٹی 1 ہزار 644 بندغ آتا کوویڈ۔ 19 ٹیسٹ مثبت بس۔ تدوک آ بیست ءُ چار گھنٹہ ٹی مچ آ ملک اٹی 46 بندغ کورونا دین آن زوال کریر ہرافتیان 38 بندغ ہسپتال آتیٹی وخت اس کہ 8 بندغ اُراتیٹی قرنطینہ ٹی زوال کریر، تدوک آ بیست ءُ چار گھنٹہ ٹی کوویڈ۔ 19 آن زوال کروک آ 46 بندغ آتیان 17 مرک وینٹی لیٹر آتیا ناجوڑ آتا مس۔ ملک انا 4 بھلا شار تیٹی وینٹی لیٹر آتیا ساڑی کوویڈ۔ 19 نا ناجوڑ آتا تناسب نا لحاظ اٹ بنجائی دارالحکومت اسلام آباد اٹی 41 درسد، لاہور اٹی 37 درسد، ملتان 37 درسد وپشاور اٹی 27 درسد ناجوڑ درمان مننگ ءُ۔ ہنداوڑاٹ ملک انا چار بھلا شار تیٹی کورونا غان زہمی ناجوڑآتیکن جتا آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹی 41 درسد، کراچی 36 درسد، ملتان اٹی 34 درسد و راولپنڈی ٹی 24 درسد ناجوڑ ءُ۔ تدوک آ 24 گھنٹہ ٹی مچ آ ملک اٹی کوویڈ۔ 19 نا 43 ہزار 381 ٹیسٹ کننگا، ہرافتیان سندھ اٹی 12 ہزار 151، پنجاب اٹی 16 ہزار 970، خیبرپختونخوا ٹی 6 ہزار 800، اسلام آباد اٹی 6 ہزار 152، بلوچستان اٹی 527، گلگت بلتستان اٹی 370 و آزاد جموں و کشمیر اٹی 411 بندغ نا کورونا ٹیسٹ اوار ءِ۔ داتم اسکان مچ آ ملک اٹی کوویڈ۔ 19 آن 4 لکھ 96 ہزار 745 بندغ دراخ جوڑ مسنو۔ بلوچستان، گلگت بلتستان و آزاد جموں و کشمیر اٹی کورونا دین آن زہمی اسہ ناجوڑ اس ہم داوخت آ وینٹی لیٹر آ اف، وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا داوخت آ 301 ناجوڑ درمان مننگ ءُ۔ مچ آملک اٹی کوویڈ۔ 19 نا ایکٹیو کیس آتا کچ 32 ہزار 726 ءِ۔ مچ آ ملک اٹی کورونا دین آن زہمی بندغ آتا کچ 5 لکھ 41 ہزار 31 ءِ، ہرافتیان آزاد جموں کشمیر اٹی 8 ہزار 953، بلوچستان اٹی 18 ہزار 798، گلگت بلتستان اٹی 4 ہزار 909، اسلام آباد اٹی 41 ہزار 176، خیبرپختونخوا ٹی 66 ہزار 451، پنجاب اٹی 1 لکھ 56 ہزار 404 و سندھ اٹی 2 لکھ 44 ہزار 340 ناجوڑ ءُ۔ مچ آ ملک اٹی کوویڈ۔ 19 آن داتم اسکان کل 11 ہزار 560 مرک مسنے، ہرافتیان سندھ اٹی 3 ہزار 969مرک مس۔ تدوک آ بیست ءُ چار گھنٹہ ٹی سندھ اٹی ہسپتال آتیٹی 7 ناجوڑ آتا وخت اس کہ اُراتیٹی قرنطینہ ٹی 5 بندغ آتا کورونا دین آن مرک مس۔ پنجاب اٹی کورونا دین آن کل 4 ہزار 681 مرک مس۔ تدوک آ بیست ءُ چار گھنٹہ ٹی پنجاب اٹی 17 ناجوڑ ہسپتال آتیٹی وخت اس کہ 3 ناجوڑ اُراتیٹی قرنطینہ ٹی کورونا دین آن زوال کریر، خیبرپختونخوا ٹی کورونا دین آن 1 ہزار 879 مرک مس، تدوک آ بیست ءُ چار گھنٹہ ٹی کے پی کے ٹی 9 ناجوڑ ہسپتال آتیٹی کورونا دین آن زوال کریر، اسلام آباد اٹی دا دین آن کل 476مرک مس تدوک آ بیست ءُ چار گھنٹہ ٹی اسلام آباد اٹی 4 ناجوڑ ہسپتال آتیٹی کورونا دین آن زوال کریر، بلوچستان اٹی کوویڈ۔ 19 آن کل 194 مرک مس۔ تدوک آ بیست ءُ چار گھنٹہ ٹی بلوچستان اٹی کورونا دین آن زہمی ہسپتال آتیٹی درمان مروک اسہ ناجوڑ اس دنیا ءِ الا، گلگت بلتستان اٹی کوویڈ۔ 19 آن کل 102 مرک مس، آزاد جموں و کشمیر اٹی دا دین آن 259 مرک مس۔ داتم اسکان مچ آ ملک اٹی 78 لکھ 48 ہزار 316بندغ آتا کورونا ٹیسٹ کننگانے۔ مچ آ ملک اٹی کوویڈ۔ 19 نا درمان کن کورونا دین آن زہمی ناجوڑ آتیکن جتا 631 ہسپتال آتیٹی 2 ہزار 590 ناجوڑ درمان مننگ ءُ۔
