اسلام آباد۔ 29 جنوری (اے پی پی) پارلیمانی سیکرٹری، نیشنل ہیلتھ سروسز ریگولیشن اینڈ کوآرڈینیشن ڈاکٹر نوشین حامد پارینے کہ کورونا دین ویکسین نا تیاری گڈیکو ریسہ غاتیٹی ءِ انتئے کہ چین 31 جنوری اسکان پاکستان ءِ کوویڈ۔ 19 ویکسین نا 500،000خور فراوان کننگ نا باوری کرفینے۔ تینا اسہ انٹرویو اسے ٹی اوپارے کہ اولیکو ریسہ ٹی ویکسینیشن فرنٹ لائن ورکرآتے تننگک و داڑکن 3 لکھ آن زیات فرنٹ لائن کارندہ غاتے رجسٹریشن کننگانے۔ اوپارے کہ پاکستان ہلہلہ ئی کاریم اٹ اتنگ کن پاکستان اٹی سینو فرم ویکسین نا منظوری ءِ تسنے و چین آن دانا زوت دستیابی نا اومیت ءِ، اومستی پارے کہ دا ویکسین کینزیو و بیجنگ انسٹی ٹیوٹ آف بائیو ٹیکنالوجی چین تیار کننگ ءِ۔ ڈاکٹر نوشین حامد پارے کہ چینی ویکسین سرسہبی اتون 3 ریسہ غاتا آزمائش آتیان گدرینگ انگ ءِ، اومستی پارے کہ، داپاکستان کن ’’شرف نا ہیت اسے کہ‘‘ ویکسین نا‘‘ غٹ آن بھلا و نسبتامشکل ریسہ 3 نا مطالعہ ٹی بشخ ہلوک آ منہ ملک آتیٹی اوار مسنے۔ اووضاحت کرے کہ کوویڈ۔ 19 نا اولیکو ریسہ فرنٹ لائن ہیلتھ کیئر ورکرآتیکن وقف کننگاسس ہر ادا چیلنج نا بشخ ئسر۔ ارٹ میکو ریسہ ٹی بزرگ شاری ہرافتا وئی 65 و اوکان زیات ءِ وخت اس کہ مسٹ میکو ریسہ ٹی لس مخلوق ءِ کورونا غان بچفنگ نا ویکسین تننگک۔ اوپارے کہ حکومت کوویڈ۔ 19 ویکسین تیار کروک آ مسہ جہانی فرم آتون خڑکی رابطہ ٹی ءِ۔ اوباوری کرفے کہ نکورونادین انا برخلاف اسہ’ رکھ و موثر‘ ویکسین زوت پاکستان ءِ ملک۔ اوپارے کہ فی الحال ماہر پینل چینی ویکسین جوڑ کروک آتا حساب وکتاب ءِ ہم ہُننگ ءِ ہرافتے ٹی سینو فرم، کینسوینو ہم اوار ءِ ہرافتا کلینیکل ٹرائل چلینگاکہ۔ اوپارے کہ جان جوڑی نا بابت کارندہ غاتے کورونا دین آن بچفنگ فراوان کننگ حکومت نا اولیت ءِ تانکہ او تینا فرض ءِ زیات جوان وڑاٹ پورو کننگ کیر۔ ڈاکٹر نوشین حامد پارے کہ ملک اٹی کوویڈ۔ 19 نا حالیت سوگو مسنے و زہمی کیس آتیٹی کمتی بننگ ءِ۔
