اسلام آباد۔ 29 جنوری (اے پی پی) پاک بحریہ نا جنگی مشق رباط 2021ایسر مس، آپریشنل مشق اٹی بحیرہ عرب اٹی پاک بحریہ و پاک فضائیہ نانیام اٹ اسیجائی آپریشن تے ہُننگا۔ جنگی مشق انا مسخت پاک بحریہ نا آپریشنل لائخی تا جاچ ءِ ہلنگ و اوفتے آخبت نا خطرہ غاتا مناسبت اٹ گچین کننگ ئس۔ چیف آف دی نیول اسٹاف ایڈمرل محمد امجد خان نیازی دود انا مہمان خاص ئس۔ ترجمان پاک بحریہ نارداٹ تینا تران اٹی امیر البحر ایڈمرل محمد امجد خان پارے کہ آپریشنل مشق آتا اڈتننگ جنگی حکمت عملی نا جانچ و گچین ٹی بھاز اہمیت تخک۔ اوپارے کہ پاکستان اسہ پرامن ءُ ملک اسے ولے دشمن نا کنڈآن ہروڑنا جارحیت نا پبی ورندی ءِ تننگ نا پورو لائخی تخک۔ اوپارے کہ پاک بحریہ ملک ءِ مون تروک میری ٹائم چیلنج و ملکی سمندری دنگ انا دفاع کن ہروخت تیار ءِ۔ چیف آف دی نیول اسٹاف چندی چیلنج آتون مون تننگ نا لائخی، آپریشنل تیاری و مشق آتا سرسہب اڈتننگ آ پورو است جمی نا درشانی ءِ کرے۔
