راولپنڈی۔ 29 جنوری (اے پی پی) پاک فوج انا سروک جنرل قمرجاوید باجوہ قطر انا اِرادے ئی دورہ ءِ کرے ہراٹی او امیر قطر اتون اوار بڑزکو فوجی وسول سرکڑدہ غاتون اوڑدہی کرے۔ پاکستانی فوج انا شعبہ تعلقات عامہ (آئی ایس پی آر) نا رداٹ آرمی چیف قطر انا احمد بن محمد ملٹری کالج اٹ پاکستان آؤٹ پریڈ نا مشاہدہ ءِ کرے و ملٹری کالج نا بڑزکو آب انا ستاءِ کرے۔ جنرل قمرجاوید باجوہ امیر قطر شیخ تمیم بن حماد الثانی، قطر انا ڈپٹی وزیراعظم و وزیر دفاع لیفٹیننٹ جنرل غنیم بن شاہین تون ہم اوڑدہی کرے ہراٹی تین پہ تینی است خواہی نا باندات، دفاعی، سیکورٹی کمکاری و ڈیہہ نا سیاسی چاگڑد آ گپ وتران کننگا۔ قطری سرکڑدہ غاک پاکستان و قطر انا برادرانہ تعلقداری تا اہمیت نا درشانی ءِ کریر وخت اس کہ پاکستان و قطر دفاعی تعلقداری تے پین سوگو کننگ آ ہم امنا کریر۔
