اسلام آباد۔ 29 جنوری (اے پی پی) صدر مملکت ڈاکٹر عارف علوی 24 و 27 دسمبر آ بلوچستان و قطبی وزیرستان اٹی شہید مروک آ ورناتا خاہوت آتون ٹیل فون آ رابطہ کریے۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت ڈاکٹر عارف علوی نائب صوبیدار محمد گلزار خان، سپاہی فیصل عباس، سپاہی عبدالوکیل، سپاہی جمال خان، سپاہی شیر زمان، سپاہی فقیر محمد و سپاہی عبدالرؤف نا خاہوت آتون ٹیل فون آ ہیت کرے۔ صدر مملکت حوالدار شعیب ملک و نائک محمد یاسین نا خاہوت تون ہم گپ وتران کرے۔ صدر مملکت شہید آتے اوفتا خذمت و نرزوری آ خراج عقیدت پیش کرے۔ اوشہید آتا درجہ غاتا بڑزی کن دعا کرے۔ اوپارے کہ اللہ تعالیٰ اوفتا خاہوت آتے صبر کننگ نا توفیق ایتے۔
