اسلام آباد۔28جنوری (اے پی پی):پاکستان ءُ کویت ءَ معیشت، تجارت، ٹیل ءُ گیس، ھاٹیگ، سرمایہ کاری، کشت ءُ کشار، انفارمیشن ٹیکنالوجی ءُ جان سلامتی ءِ شوبگ ءَ کمک ءَ را دیمروئی دیگ ءِ جزم ءِ درشان کتگ۔ دوئیں ملک آنی آیوکیں باندات ءَ یکجائی وزارتی کمیشن ءِ آیوکیں دیوان ءِ برجائی ءِ سر ءَ تپاک ھم کتگ۔ اے منگ نانہ کویت ءِ نائب وزیر درئی کار علی سلیمان السعید ءِ سروکی ءَ مزن تکی ڈل ءُ سیکرٹری وزارت ءِ اقتصادی کار آنی نیام ءَ منوگر بوتگ۔ سیکرٹری اقتصادی کار ءَ کویتی ڈل ءَ را وش اتک کت ءُ دوئیں ملک آنی سیت آنی واستہ دو نیمگی اقتصادی یکوئی آناں گیش ودینگ ءِ ھوالگ ءَ زور پر دات۔
