اسلام آباد۔28جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ الس اچبر کرپشن ءِ رکھینگ یا زاتی سیت آنی واستہ ڈن ءَ در نہ کپتگ انت، پی ڈی ایم جنز ءَ را مشہوری نہ رستگ، مزن وزیر عمران خان اپوزیشن ءَ نہ ترستگ ءُ نہ ترس ایت، کرپشن ءِ ھلاپ ءَ سپر جاڑی بیت، مزن وزیر یا کابینہ ءِ کجام ھم باسک آں انوگ ءَ تاں کورونا ءَ چہ رکھینگ ءِ ویکسین نہ جتگ، پارلیمنٹ ءِ وتی شرپ ءُ ازت ات، ادا گچین بوتگیں السی نماھندگ کاینت، گچین نہ بوتگیں مردم سیاسی رنگ ءَ پارلیمنٹ ءِ کارمرد کنگ ءَ رد انت، اپوزیشن ءَ حکومت ءِ ھلاپ ءَ اھوالکار ءُ میڈیا ورکرز آنی رکھینگ ءِ بل ءِ ھلاپ کتگ، ایشی ءِ مذمت ءَ کناں، میڈیا ہائوسز ءَ را اشتہار آنی رد ءَ بازیں وام داتگ انت، آیوکیں ھپتگ ءَ گیش 5 کروڑ کلدر جاڑی کنگ بنت، میڈیا مالک آں گوں اپیل انت کہ آ کجام ھم رد ءَ میڈیا ورکرز آنی پگار آنی تہ ءَ مھتلی مکن ات، آئی ءَ گوشت کہ مزن وزیر ءَ را شور ءُ مشور داتگ کہ اھوالکار ءُ میڈیا ورکر آنی واستہ جان سلامتی کاٹ جاڑی کنگ بہ بیت۔ آ پنچ شمبے ءِر وچ ءَ نیشنل پریس کلب ءَ میٹ دی پریس پروگرام ءَ ھیال آنی درشانی کنان ءَ کت۔
