سینٹ الیکشن اوپن بیلٹنگ ءَ گوں  کنائینگ، دو ملکی وطنی پاس والا  پاکستانی آناں الیکشن  ءَ بھر زورگ ءِ واستہ کانودی مٹ ءُ بدلی  پیکیج آیوکیں ھپتگ ءَ پارلیمنٹ ءَ پیش کنگ بیت، شبلی فراز ، بابر اعون ءِ  پریس کانفرنس

اسلام آباد۔28جنوری (اے پی پی): بنجاھی حکومت ءَ سینیٹ الیکش اوپن بیلٹنگ ءَ کنائینگ ءِ دو  نکجئ وطنی پاس والا ایں پاکستنای آناں الیکشن ءَ بھر زورگ ءِ واستہ  1973  ءِ کانود ءَ 3 مٹ ءُ بدلی ءِ واستہ کانودی پیکیج آیوکیں ھپتگ ءَ پارلیمنٹ ءَ پیش کنگ  ءِ جار جتگ۔  اے کانودی مٹ ءُ بدلی  ءَ سینیٹ الیکشن ءَ ہارس ٹریڈنگ ءُ ووٹ آنی بھا ءُ سیم ءِ  کشک مدام  ءِ واستہ بند بطیت، اولی رند ءَ عمران خان ءِ حکومت  ءُ  پی پی آئی ءِ نیمگ ءَ پاکستان ءِ سرجمیں سیر لاپیں  مردم  ھما کہ پارلیمنٹ ءِ  توک ءَ انت آوانی واستہ اے ٹیسٹ کیس ءَ  را زورگ ءُ برگ ءَ آں،  گوستگیں وھد ءَ الیکشن ءَ  وتی اندر مرد بھا کنگ ءُ آوانی ووٹ  آناں بھا زورگ بوتگ،   جمہوریت ءِ آرٹیکل 23 ءَ سینیٹ الیکشن اوپن بیلٹ کنائینگ ءِ لوٹ  کنگ بوتگ، سینیٹ الیکشن ءِ واستہ ووٹ بھا زورگ ءِ کسانیں صوبہ آں چہ پد پنجاپ ءِ واستہ ھم ریٹس   کشگ بوتگ، سینیٹ الیکش ءَ  گیشی ءَ  چہ پد گیش کانودی مٹ ءُ بدلی کنگ بیت۔   پنچ شمبے ءِ روچ ءَ  بنجاھی وزیر اھوالکاری ءُ شنگ کاری سینیٹر شبلی فراز   ءُ مزن وزیر ءِ ھاسیں  پارلیمانی  کمکار ڈاکٹر بابر اعوان پی آئی ڈی ءَ یکجائی پریس کانفرنس ءَ گوں گشتانک دیگ ءَ ات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ  لستیں ھپتگ آںی تہ ءَ سینیٹ آف پاکستان  ءِ الیکشن بوھگی انت،  اے ھما ادارگ انت کہ ایش فیڈریشن ءِ پجار انت، ایشی ءِ اندر ءَ توامیں صوبہ ءَ چہ باسک  ھمکچیں تک ءَ کاینت۔  آئی ءَ گوشت کہ پارلیمانی  جمہوریت ءَ ایش ایوان بالا  ءَ ارزشتیں بستار  ءَ دار ایت۔ آئی ءَ گوشت کہ سینٹ ءِ الیکشن مدام جیڈھ آنی  آماچ بوتگ، ہارس ٹریڈنگ، ووٹ  آنی  بھا ءُ سیم  بوتگ،  زر  ءِ سر ءَ  آ کاینت ایشاناں اخلاقی سپورٹ  گون نیست۔ بنجاھی وزیر سینیٹر شبلی فراز ءَ گوشت کہ مئے پارٹی مدام  اے گپ  ءِ منوک انت کہ گچین کارتی ساپ ءُ سلہ ئی ءَ بہ بنت۔  اے چیز ءَ را در جنگ ءِ واستہ  ھرچی نیاد دیگ کپ ایت دیگ بیت۔ آئی ءَ گوشت کہ  ایش ھم یات بیت کہ  گوستگیں الیکشن ءَ ما وتی 20 ایم پیز آناں پارٹی ءَ چہ در کتگ۔  آوانی سر ءَ شک بوتگ کہ آواناں وتی ووٹ ءَ را ردئی ءَ گوں کارمرد کتگ،  لستیں شکیگیں ٹرانزیکشنز بوتگ  ات  ما ھمے لوٹاں کہ الیکشن ساپ ءُ سلہ ئی ءَ گوں ایمانداری ءَ بہ بنت۔  کوشست انت کہ سینٹ ءِ آیوکیں الیکشن سرجمیں رنگ ءَ آزات ءُ ساپ ءُ سلہ ئی ءَ بہ بنت۔  ڈاکٹر بابر اعوان  ءَ گوشت کہ سپریم کورٹ ءَ ریفرنس زرت انت ءُ شُتاں گڈا  بازیں مردم آں ھلاپ کت، آ گوشیت کہ پارلیمنٹ  پیسلہ بکنت،  نوں ما پارلیمنٹ ءَ اتکگ آں  نوں چاراں کہ کئے ھمبراھ داری ءُ کئے ھلاپ کنت۔