5فروری آ مچ آبلوچستان اٹی یوم کشمیر ءِ پبی وڑاٹ جم وجوش اٹ اڈتننگک، صوبائی وزیر ٹرانسپورٹ میر محمد عمر خان جمالی نا ’’اے پی پی‘‘ تون گپ وتران

کوئٹہ۔ 28 جنوری (اے پی پی) صوبائی وزیر ٹرانسپورٹ میر محمد عمرخان جمالی پارینے کہ 5 فروری آ مچ آ بلوچستان اٹی یوم کشمیر ءِ پبی وڑاٹ جم وجوش اٹ اڈتننگک۔ پاکستان تحریک انصاف مچ آ صوبہ ٹی ریلی و کشمیری ایلم تتون یکجہتی نا درشانی ءِ کننگک۔ داخیال آتا درشانی ءِ او ’’اے پی پی‘‘ تون گپ وتران کرسا کرے۔ اوپارے کہ کشمیر ننا شہ رگ ءِ پاکستان و کشمیر اسہ ایلو کن زیل و سُوآنبار ءُ، بھارت نا ناپاک ارادہ غاتے بے سہب کننگ کن مچ آپاکستانی قوم یکجا و تیار ءُ اگہ ننا دشمن سمجھک کہ اونا چم آتیان کشمیری تا توار ءِ توننگک تو دا اونا غلط گمانی ءِ بھارت نا تہار آ کانود نا ہچ ءُ حیثیت اس اف و داسہ مچ آ دنیا بھارت نامکروہ آ دروشم ءِ خنانے۔ بھارت ننا امن نا خواہش ءِ نزوری تکپ۔ کشمیر پاکستان نا شہ رگ ءِ، انشاء اللہ کشمیر مریک پاکستان، پاکستان نا الس تینا فوج اتون ہم کوپہ دشمن نا جارحیت نا پبی مقابلہ ءِ کننگ کن تیار ءُ۔ اوپارے کہ بھارت نا ساڑی قیات جنگی گنوکی ٹی اختہ ءِ و ڈیہہ ٹی نزوری تالان کننگ خواہک جہانی ادارہ و اقوام متحدہ بھارت نا دا جنگی گنوکی ءِ لغام خلے ورنہ نن ملک انا دفاع کن ہرحداسکان ہِننگ کن تیار اُن۔ کشمیری ایلم تتون ہروڑنا کمک برجاسلک، کشمیری ایلمک تینے تنیا تکپس، مچ آ پاکستان کشمیری ایلم تتون ہم کوپہ ءِ دشمن ءِ پبی ورندی تننگ نا لائخی تخرہ۔