اسلام آباد۔ 28 جنوری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ بھاز زوت ڈرونز اتھارٹی اس اتنگ اُن و تھری ڈی پرنٹرآتا بابت ہم پالیسی اس اتینہ، اِراکمپنی پاکستان اٹ ڈرونز جوڑ کننگ نا بناءِ کرینو، ڈرونز ٹیکنالوجی کن سافٹ ویئر اٹی نن بھاز جوان اُن، ہارڈویئر اٹ زرس پدی اُن، ڈرونز آتا کاریم اٹ اتنگ کشاری بشخ اٹی ہم کینہ۔ نجی ٹی وی …
اِرا کمپنی پاکستان اٹ ڈرونز جوڑ کننگ نا بناءِ کرینو، تھری ڈی پرنٹرز نا بابت پالیسی اس اتینہ، چوہدری فواد حسین
گیشتریں ھال
اسلام آباد۔ 28 جنوری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ بھاز زوت ڈرونز اتھارٹی اس اتنگ اُن و تھری ڈی پرنٹرآتا بابت ہم پالیسی اس اتینہ، اِراکمپنی پاکستان اٹ ڈرونز جوڑ کننگ نا بناءِ کرینو، ڈرونز ٹیکنالوجی کن سافٹ ویئر اٹی نن بھاز جوان اُن، ہارڈویئر اٹ زرس پدی اُن، ڈرونز آتا کاریم اٹ اتنگ کشاری بشخ اٹی ہم کینہ۔ نجی ٹی وی چینل تون گپ وتران اٹی فواد چوہدری پارے کہ فوروہیکل الیکٹرک وہیکل پالیسی ءِ زوت اتنگ اُن، بروک آ 5 سال اٹی روایتی گاڈی تیان الیکٹرک وہیکل آ کانہ۔ کوشست ءِ کہ الیکٹرک وہیکل آ ڈیوٹی صفر کین۔ بنجائی وزیر پارے کہ زوت تینا ڈائلسز، ایکس رے و وینٹی لیٹرمشین تینٹ جوڑ کینہ، اخس کہ پیسہ ٹیکنالوجی ٹی ارے ہموخس روایتی صنعت اٹی اف۔ اوپارے کہ داہیت سہی اف کہ حکومت وعدہ غاتے پورو کپننگ ءِ، نن میرٹ آ بھرتی کرینن، کرپشن ءِ چٹفنگ نا پاریسن واودے کننگ اُن۔ وزیر سائنس اینڈ ٹیکنالوجی پارے کہ ہژدہ می ترمیم آن پد صوبائی معاملہ غاک صوبہ غاتون ءُ، کراچی نا سڑک آک خراب ءُ تو دا صوبائی ءُ معاملہ اسے، بروک آ وار سندھ اٹی ہم صوبائی حکومت ہم پی ٹی آئی نا مریک، صوبائی محکمہ غاتیٹی خرابی ضرور ارے، نن ہژدہ می ترمیم و این ایف سی آ ہیت کین، سیاسی جماعت آتا انٹرنل اسٹرکچر و صوبہ غاتا فریم ورکس آ بایدے شرہ مرے۔
