ٹرانسپرنسی انٹرنیشنل چیئرمین نیب جسٹس جاوید اقبال نا کماشی ٹی تدوک آ اِراسال اٹی وڈی خوری تور اکن نیب اناکوشست آتا ستاءِ کرینے

اسلام آباد۔ 28 جنوری (اے پی پی) ٹرانسپرنسی انٹرنیشنل چیئرمین نیب جسٹس، جاوید اقبال نا کماشی ٹی تدوک آ اِراسال اٹی وڈی خوری تور اکن نیب انا کوشست آتا ستاءِ کرینے۔ ٹرانسپرنسی انٹرنیشنل پنچ شنبے نادے آ کراچی، برلن و جرمنی آن تینا رپورٹ ءِ جاری کرینے۔ چیئرمین ٹرانسپرنسی انٹرنیشنل پاکستان سہیل مظفر پارینے کہ چیئرمین نیب جسٹس جاوید اقبال نا کماشی ٹی بھلا کوشست آتا سوب تدوک آ اِراسال اٹی 363ارب روپئی ہلسا قومی خزانہ ٹی جمع کرفنگانے۔ نیب اعلامیہ نارداٹ نیب ٹرانسپرنسی انٹرنیشنل پاکستان نا سفت نا خیرمقدم ءِکرینے و پارینے کہ چیئرمین نیب جسٹس جاوید اقبال نا کماشی ٹی قومی احتساب بیورو ملک آن وڈی خوری نا چٹفنگ و بھلا مچی تے کانود نا رداٹ سزاترفنگ آ پبی یخین تخک تانکہ اوفتیان پلوک آ پیسہ غاتے ہلسا قومی خزانہ ٹی جمع کرفنگ مرے۔ نیب تینا جوڑ مننگ آن داتم اسکان بالواسطہ و بلاواسطہ وڑاٹ 714 ارب روپئی قومی خزانہ ٹی جمع کرفینے ہراکہ انسداد وڈی خوری ناایلو ادارہ غاتا مقابلہ ٹی نیب انا قابل سفت کارکڑد ءِ۔ نیب انا مقدمہ غاتیٹی سزا نا کچ نیب اقوام متحدہ نا انسداد وڈی خوری کمیشن نا رداٹ پاکستان نا فوکل ادارہ ءِ۔ پاکستان دا کنونشن ءِ پک کرینے۔ پاکستان اسٹ انگا ملک ءِ ہراسی پیک ڈٹ آتا چاروکی و وڈی خوری نا چٹفنگ کن اسہ ایلو نا آزموندہ غاتیان فائدہ ہرفنگ کن چین اتون مفاہمت نا یات داشت آ دستخط کرینے۔ نیب سارک اینٹی کرپشن نا فورم ءِ۔ دا نیب انا شاندار کارکڑد آتا اعتراف ءِ کہ نیب سارک ملک آتیکن رول ماڈل نا حیثیت تخک۔ نیب انا کوشست آتا متبر قومی و جہانی ادارہ کون آ جہانی اقتصادی فورم، پلڈاٹ و مشال پاکستان ئسک ستاءِ کرینو۔ گیلپ اینڈ گیلانی سروے نا رداٹ 59 درسد مخلوق نیب آ پت کیرہ۔