سی پیک 2021ء نا ایکشن پلان قومی و جہانی کہول آ حیرت انگیز ءُ پیش رفت اسے، کمامدار زرکاری بورڈ

اسلام آباد۔ 28 جنوری (اے پی پی) چین پاکستان اقتصادی راہداری(سی پیک) بھلا چیلنج آتا مقابلہ ءِ کننگ آن پد 2021ء ٹی پاکستان نا پوسکن آ آخبت نا ٹہیفنگ نا لائخی والا علاقہ غاتیٹی ترندی اٹ مون نا ریسہ ٹی پترینگانے۔ زرکاری بورڈ انا کمامدارآتارداٹ شفافیت، وڈی خوری آن پاک و ترند رفتار پیش رفت نا روایت آتے برجاتخسا سی پیک 2021ء نا ایکشن پلان قومی و جہانی کہول آ اسہ حیرت انگیز ءُ پیش رفت اسے۔ سی پیک 2021ء نا بناغان کشت وکشار، خصوصی اقتصادی زون، گوادر، ایم ایل ون، ریل نیٹ ورک، بزنس ٹوبزنس کاروبار، دوئی جوڑ کننگ نا صنعت، چین پاکستان نا آجوواپار نا معاہدہ فیز ٹو، ڈی کاربونیشن، واپار، تجدید توانائی، آپٹک فائبر کیبل، سائنس اینڈ ٹیکنالوجی، ایکو ٹورزم، کلچر، نیو میڈیا، کسبکاری نا شونداری، روزگار ودی کننگ، و ہائی ٹیک بنداوی انفراسٹرکچر آ چکار کرے۔ 2021ء نا اولیکو میڈیا حوال اٹی وزیراعظم پاکستان عمران خان پیدوار کرے کہ 2021ء ٹی سی پیک کشاری بشخ ءِ مون آ دیک انتئے کہ پاکستاتن اسہ کشت و کشارنا ملک ءِ۔ اوچین کن شونداری نا چینی ماڈل ءِ پاکستان کن گچین ءُ ماڈل اسے نا وڑاٹ تینا کننگ کن تینا درشانی ءِ کرے و پارے کہ اگہ نن دنیا نا ملک اسے آن سبخ ہیل کننگ کینہ تو او چین ءِ۔ اومستی پارے کہ چین تدوک آ 30 سال اٹ ہرا ترندی اٹ شون ہلک اوڑآن نن بھاز گڑا ہیل کننگ کینہ۔ پوسکن آ سال اٹی سی پیک نا سرسہبی نا بابت روشنا گمان ءِ، مثال نا وڑاٹ، خصوصی اقتصادی زون تا بناء، چینی صنعت، کشت وکشار و تعلیم نا تبادلہ، داکان بیدس دا پاکستان و چین نا نیام اٹ سفارتی تعلقداری جوڑ کننگ نا 70 می سال دے ءِ ہرانا مطلب ءِ کہ الس تون زیات رابطہ مریک۔ ہندوستان و اونا دیکی ملک آتا پروپیگنڈہ و جعلی خبر تا مقابلہ ءِ کننگ کے ہراکہ بی آر آئی/ سی پیک نا برخلاف برسرپیکار ءِ۔ سی پیک پروجیکٹ نا مسکوہی ڈائریکٹر و سی ای او نا پی بی او آئی ٹی اینڈ سیزاحسن داؤد بٹ پارے کہ 2021ء اسہ اہم ءُ سال اسے انتئے کہ دنیا کوویڈ۔ 19 نا درمان و زرگزرانی تنکی آن پیش تمنگ نا گام گیج آتیا سجفنگ ءِ۔ دا گمان کننگ انگ ءِ کہ ایم ایل ون پروجیکٹ اسہ سوگو ءُ بنااس کیک۔ داکان بیدس رشکئی، دھابیجی و فیصل آباد اٹی شونداری کاریم جوان وڑاٹ برجاءِ۔ اوپارے کہ گوادر نا شونداری کن ہم کم از کم 10 زرکار آتون پورٹ ہولڈنگ کمپنی تون اواری اٹ کاریم کننگ المی ءِ۔ ایسٹ بے ایکسپریس ءِ ہم پورو کننگک و گوادر ایئرپورٹ، اسپتال و کسبی ہند آ کاریم آخبتی و مثبت وڑاٹ مننگ ءِ۔ اومستی پارے کہ 2021جم وڑاٹ اسہ اہم ءُ سال اس مریک۔ سینیٹر اعظم خان سواتی پارے کہ سی پیک 2021ء ٹی ہندی مخلوق کن روزگار نا وارخواہی ودی کننگ و ملک اٹ رسد نا انفراسٹرکچر اٹ گچینی اتوک آ ایم ایل ون ڈٹ انا شروعات مریک۔ اوپارے کہ ایم ایل ون اٹ پاکستانی علاقہ نا 80 درسد وپاکستان نا 78 درسد آبادی اوار مریک۔ سی پیک 2021کارپوریٹ فارمنگ، بیج ٹیکنالوجی، ریموٹ سینسنگ، جغرافیائی انفارمیشن سسٹم، فوڈ پروسیسنگ و کٹائی آن مست و کٹائی آن پد ہینڈلنگ آ چکار ءِ۔