پاکستان چین اتون کشاری و صںعتی جدت کاری ٹی کمکاری ءِ ودفنگ نا خواہندار ءِ، پاکستانی سفیر چین معین الحق

اسلام آباد۔ 28 جنوری (اے پی پی) پاکستان چین اتون کشاری و صنعتی جدت کاری ٹی کمکاری ءِ ودفنگ نا خواہندار ءِ۔ چین اٹی پاکستان نا سفیر معین الحق چین پاکستان کشاری و صنعتی کمکار انفارمیشن پلیٹ فارم نا بنائی دود آن تران کرسا پارے کہ چینی کمک اٹ پاکستان اٹ سی پیک نا رداٹ کشاری و صنعتی جدیدیت نا کمک اٹ شونداری نا اسہ پوسکن ءُ دوراس بناکننگ کیک۔ اوپارے کہ ہڑتوم آ ملک آتا نیام اٹ چندی بشخ آتیٹی کمکاری ٹی ودکی آن ہڑتوم آ ملک آتا اسہ ایلو آ سیبو ودانے۔ داکان بیدس اوپارے کہ پاکستان کون آ پدتموک ملک آتے چین نا شونداری آزموندہ غاتا پیروی ءِ کننگ نا گرج ءِ ہرا اسیجائی شونہالی کن نیک بختی اس جوڑمریک۔