بیست ءُ چار گھنٹہ ٹی کورونا نا 1910 کیس، 64 مرک رپورٹ، غٹ آن زیات مرک سندھ آن پد پنجاب اٹی ریکارڈ کننگا، نیشنل کمانڈ اینڈ آپریشن سینٹر

اسلام آباد۔ 28 جنوری (اے پی پی) تدوک آ بیست ءُ چار گھنٹہ ٹی کورونا دین انا سوب آن سندھ آن پد پنجاب اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 64 مرک مس ہرافتیان 37 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر، این سی او سی نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 1 ہزار 910 بندغ آتا کوویڈ۔ 19 ٹیسٹ مثبت بس و 64 بندغ دا دین آن زوال کریر ہرافتیان 58 بندغ ہسپتال آتیٹی وخت اس کہ 6 بندغ اُراتیٹی قرنطینہ ٹی زوال کریر۔ ملک اان 4 بھلا شار تیٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 32 درسد، لاہور اٹی 34 درسد، پشاور اٹی 28 درسد و اسلام آباد اٹی 40 درسد ناجوڑ ءُ۔ ہندا وڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹی 42 درسد، ملتان اٹی 36 درسد، کراچی ٹی 36 درسد و راولپنڈی ٹی 23 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 40 ہزار 821 ٹیسٹ کننگا ہرافتیان سندھ اٹی 11 ہزار 164، پنجاب اٹی 15 ہزار 341، خیبرپختونخوا ٹی 7 ہزار 255، اسلام آباد اٹی 5 ہزار 773، بلوچستان اٹی 577، گلگت بلتستان اٹی 319، آزاد کشمیر اٹی 392 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 4 لکھ 94 ہزار 578مسنے۔ بلوچستان،گلگت بلتستان و آزاد کشمیر اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 299 ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 33 ہزار 925ءِ۔ مچ آ ملک اٹی کورونا دین آن زہمی بندغ آتا کچ 5 لکھ 39 ہزار 387ءِ ہرافتیان آزاد کشمیر اٹی 8 ہزار 931، بلوچستان اٹی 18 ہزار 788، گلگت بلتستان اٹی 4 ہزار 906، اسلام آباد اٹی 41 ہزار 76، خیبرپختونخوا ٹی 66 ہزار 198، پنجاب اٹی 1 لکھ 55 ہزار 805و سندھ اٹی 2 لکھ 43 ہزار 683ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 11 ہزار 514 ءِ ہرافتیان سندھ اٹی 3 ہزار 957مرک وخت اس کہ تدوک آ بیست ءُ چار گھنٹہ ٹی 27 ناجوڑ ہسپتال آتیٹی وخت اس کہ 5 ناجوڑ اُراتیٹی قرنطینہ ٹی دا دین آن زوال کریر، پنجاب اٹی 4 ہزار 661مرک وخت اس کہ تدوک آ بیست ءُ چار گھنٹہ ٹی 14 ناجوڑ ہسپتال آتیٹی وخت اس کہ 1 ناجوڑ اس اُراٹی قرنطینہ ٹی دا دین آن زوال کرے۔ خیبرپختونخوا ٹی 1 ہزار 870 وخت اس کہ تدوک آ بیست ءُ چار گھنٹہ ٹی 13 ناجوڑ ہسپتال آتیٹی دا دین آن زوال کریر۔ اسلام آباد اٹی کل 472مرک وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتیٹی دا دین آن زوال کریر، بلوچستان اٹی 193 مرک، گلگت بلتستان اٹی 102مرک، آزاد کشمیر اٹی دا دین آن 259مرک وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی دادین آن زوال کرے۔ داتم اسکان مچ آ ملک اٹی کوویڈ۔ 19 نا 78 لکھ 4 ہزار 935 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 631 ہسپتال آتیٹی 2 ہزار 628 ناجوڑ درمان مننگ ءُ۔