پاکستان ایمنی ءِ  برجائی، کشاں چیل ءَ چہ رکھگ ءُ مھکمیں دیمروئی ءِ سیم سر آنی در جنگ  ءِ واستہ  راجی کمک ءِ واستہ  جزمیگ انت، وزیر ءِ درئی کار مخدوم شاہ محمود قریشی ءِ یونائیٹڈ نیشن ءِ چیر دستیں کانفرنس ءَ گوں گشتانک

اسلام آباد۔27جنوری (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستان ایمنی ءِ برجائی ، کشاں چیل ءَ چہ رکھگ ءُ مھکمیں دیمروئی  سیم سر آنی در جنگ ءِ واستہ راجی کمک ءِ  واستہ جزمیگ انت۔ اے گپ آئی ءَ  چار شمبے ءِ روچ ءَ یونائیٹڈ نیشن  ءِ سیکرٹری جنرل ءِ  ایمنی ءِ برجا کنگ ءِ واستہ فنڈ ءِ  ھاترا  مزن تکی  ری۔ پلینشمنٹ کانفرنس ءَگوں گشتانک دیان ءَ کت۔ وزیر ءِ درئی کار ءَ سیکرٹری جنرل ءِ  ایمنی ءِ برجائی ءَ فنڈ ءَ  بیست ءُ پنچ ہزار ڈالر  ءِ داد جار جنان ءَ کت  اے  گپ یونائیٹڈ نیشن ءِ دگنیا ءَ  ایمنی ءِ برجائی ءِ واستہ کوشست ءِ واستہ مئے سیاسی، لس مردمی ءُ مالی کمک جاڑی دارگ ءِ جزم ءَ  را  سہرا کنت۔ وزیر ءِ درئی  کار ءَ گوشت کہ گیشتریں  نوک دیمروئی کنوکیں ملک  آںی وڑ ءَ پاکستان کورونا  وائرس ءِ   ھوپ ءَ چہ سک باز آماچ بوتگ ایشی ءَ چہ مئے جان سلامتی  ءِ نطام  مشکل آنی آماچ بوتگ،  مئے معیشت آماچ ءُ مئے مالی گنجاشک ءِ تہ ءَ کمی بوتگ۔  گوستگیں 60 سال ءَ چہ  ایمنی ءِ برجائی ءِ واستہ مئے  ارد آنی ٹروپ آں دگنیا ءِ 4  کنٹینٹ آںی  تہ ءَ 46 ءَ چہ گیش یونائیٹڈ نیشن ءِ ایمنی مشنز آنی تہ ءَ سبزیں بیرک  برز کتگ۔ وزیر ءِ درئی کار ءَ یونائیٹڈ نیشن ءِ سیکرٹری جنرل ءِ  ایمنی ءِ برجائی ءِ واستہ فنڈ  ءِ واستہ آیوکیں گامگیج  2020-2024 ءَ را وش اتک کت۔