بنجاھی وزیر کشمیر  ءُ گلگت بلتستان علی امین خان گنڈا پور ءِ سر وکی ءَ  کشمیر ءَ گوں یکوئی  ءِ روچ ءِ درگت ءَ مراگش ءُ  تیاری  آںی سر ءَ چار ءُ تپاسی  دیوان

اسلام آباد۔27جنوری (اے پی پی): بنجاھی وزیر کشمیر ءُ گلگت بلتستان علی امین خان گنڈا پور ءِ سروکی ءَ کشمیر ءَ گوں یکوئی ءِ روچ ءِ ھوالگ ءَ  چار ءُ تپاسی  مزن تکی دیوان  ءِ برجم دارگ بوت۔ دیوان ءَ سیادی داروکیں ادارگ ، صوبائی حکومت آنی مزن  تکی کارندہ آں  بھر زوری کت۔ دیوان ءَ را گوشگ بوت کہ کشمیر ءَ گوں  یکوئی درشان ءِ ھاترا برجم داشتگیں روچ ءِ درگت ءَ  جتا جتائیں پروگرام  بندوبست کنگ بوت۔  اے موہ ءِ سر  ءَ علی امین گنڈا پور ءَ گوشت کہ ایل او سی ءِ دوئیں نیمگ آں  کشمیری آں گوں یکوئی ءِ  درگت ءَ جوانیں جوانیں کلوہ پجاری  مئے راجی فرض انت۔ آئی ءَ گوشت کہ مرچی بھارت  سرجمیں دگنیا ءِ دیم ءَ سہرا بوتگ، بھارت  ءِ  یو جمہوریہ ءَ  را کشمیری آں سیاھیں روچ ءِ رنگ ءَ برجم  داشت، پاکستان ءِ کوشست آں چہ کشمیر ءِ جیڈھ آنی سر ءَ میاں اوستمانی کمک  ءِ تہ ءَ یک شلی ءَ گیشی بوھگ ءَ انت ءُ بنی آدمی ھک  آنی میاں اوستمانی  ادارگ  مقبوضہ کشمیر ءَ  بھارتی ریاستی ناشرکاری ءِ ھلاپ ءَ گوانک چست کنگ ءَ انت۔ علی امین گنڈا پور ءَ گوشت کہ بھار ءَ ہندو ناشرکاری پالیشی پڑ ءَ اینی ءِ واستہ سک باز ترسناک  انت۔  اپوزیشن  کشمیر ءَ گوں یکوئی  ءِ روچ  ءَ را زاتی سیت آنی واستہ کارمرد  مہ کنت ءُ پی ڈی ایم ءَ را زمہ وار آنی  درور دیگ لوٹ ایت۔  علی امین گنڈا پور ءَ گوشت کہ  کشمیر ءَ گوں یکوئی ءِ روچ  ایوک ءَ  کشمیری آں  گوں یکوئی ءِ درشان ءِ روچ انت، کشمیر ءِ جیڈھ ءِ  گیواری ءِ واستہ درستاناں وتی زاتی سیت آں چہ  برز تر  بوھان ءَ کوشست کنگی انت۔