اسلام آباد۔ 27 جنوری (اے پی پی) بنجائی وزیر داخلہ شیخ رشید احمد چارشنبے نادے آ پشاور نا دورہ ءِ کرے۔ وزارت داخلہ غان جاری بیان نا رداٹ وزیر داخلہ شیخ رشید احمد و وزیراعلیٰ کے پی محمود خان امن و ایمنی نا بابت دیوان نا اسیجائی کماشی ءِ کریر۔ اہم دیوان سی ایم سیکرٹریٹ پشاور اٹی اڈ ہلک۔ وزیر داخلہ شیخ رشید احمد ءِ صوبہ ٹی امن و ایمنی نا حالیت آتیا حوال تننگا۔ دیوان اٹی صوبہ نا چیف سیکرٹری، آئی جی پولیس و ایلو کانود نافذ کروک آ ادارہ غاک بشخ ہلکر۔ وزیر داخلہ امن و ایمنی نا بابت صوبہ نا انتظامیہ و کانود نافذ کروک آ ادارہ غاتا کارکڑد انا ستاءِ کرے۔ داوخت آ وزیرداخلہ پارے کہ صوبہ غاک امن و ایمنی نا حالیت آتیٹی فرنٹ لائن نا کڑد ءِ ادا کریر۔ امن و ایمنی کن نن بھلو قربانی تسونن۔ اوپرے کہ دشمن تے ملک انا امن و ایمنی ءِ خراب کننگ نا موکل تفنہ۔ صوبہ خیبرپختونخواءِ غٹ المی وسیلہ فراوان کینہ۔
