پشاور۔ 27 جنوری (اے پی پی) بنجائی وزیر و چیئرمین کشمیر کمیٹی شہریارآفریدی چیئرمین نیشنل ہائی وے اتھارٹی این ایچ اے کیپٹن (ر) سکندر قیوم تون تدوک آ دے اہم ءُ اوڑدہی اس کرے و کوھاٹ اٹی مروک آ تعمیراتی کاریم تا بابت گپ وتران کرے۔ داوخت آ شہریار آفریدی این ایچ اے نا چیئرمین ءِ گمبٹ بائی پاس روڈ انا بابت پارے کہ گمبٹ بازار آن سڑک ءِ پیشن گدریفنگ آن علاقہ ٹی سڑک آ ٹریفک نا بھاریم اٹی کمتی مریک ہراڑآن الس ءِ براہ راست ریلیف دوئی مریک ہراڑآ نیشنل ہائی وے اتھارٹی نا چیئرمین 6 کلو میٹر مریس گمبٹ بائی پاس روڈ انا تفنگ نا پرمان کرے۔ ایلو کنڈآ شہریار آفریدی درہ آدم خیل اٹ پنچ کلو میٹر سڑک نا سست روی آ ہم است ہسونی نا درشانی ءِ کرسا پارے کہ کاریم نا رفتار اٹی سُستی نا سوب آن کیہی تُو آن الس ءِ پشاور آ ہِننگ و بننگ اٹ سخت تکلیف مون تروئی تمنگ ءِ ہراڑآ چیئرمین نیشنل ہائی وے دمدستی وڑاٹ کاریم نا رفتار ءِ ترند کننگ و گچین کوالٹی نا رداٹ کاریم کننگ نا پارت جاری کرے۔ داوخت آ شہریار آفریدی نا درخواست آ انڈس ہائی وے آ 6 انڈر پاسز نا ہم منظوری ءِ تننگا۔ نیشنل ہائی وے اتھارٹی نا چیئرمین پیدوار کرے کہ مچ آ ملک آنبار ضلع کوہاٹ و ایب و کیب انا علاقہ غاتیٹی مروک آ شونداری کاریم تیا نئے بیرہ کاریم نا رفتار ءِ ترند کننگک وبلکن بڑزکو آب انا کاریم ہم مریک تانکہ الس ءِ بھلو وخت اسسکان آسراتی رسینگے۔
