اسلام آباد۔26جنوری (اے پی پی):مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ءَ گوشت کہ مزن وزیر ءِ 10 بلین درچک ءُ بینگ مگسک پراجیکٹ ءَ چہ ملک ءَ لکھانی مردم آناں گرین روزگار ءِ موہ رسیت ءُ بینگ مگس ءِ برآمد کنگ ءَ دیمروئی رسیت ایشی ءَ چہ بازیں زر امبار ءِ در جنگ ءَ کمک رسیت۔ آ سئے شمبے ءِ روچ ءَ یک روچی راجی ورکشاپ ءِ بنگیجی سیشن ءُ نشینل ایپیکلچر پروگرام ءِ بنگیج ءِ موہ ءَ ھیال آنی درشانی ءَ کنان ءَ کت۔ نیشنل ایپیکلچر پروگرام یا ایپیکلچر سکیلنگ اپ پروگرام برائے آمدن ءُ کوچگی روزگار ملک ءَ بینگ مگسک دارگ ءِ درستاں چہ مستریں پروگرام انت۔ امین اسلم ءَ گوشت کہ پروگرام ءِ چیر دستی ءَ بینگ مگسک ءِ رد ءَ برانڈنگ ، سیمپلنگ ءِ گوما میاں اوستمانی کد ءُ بالاد ءِ پیکجنگ ءِ مٹ ءَ کنگ بیت ایشی ءَ چہ مزنیں زر ءِ در جنگ ءَ کمک رسیت۔ اے موہ ء، سر ءَ کلانہ آں مگسک داروک آنی جیڈھ آناں سہرا کت ءُ ایشانی گیواری ءِ واستہ شور ءُ مشور ھم پیش کت۔
