اسلام آباد۔26جنوری (اے پی پی): بنجاھی کابینہ ءَ براڈ شیٹ جیڈھ ءِ پٹ ءُ پول ءِ ھوالگ ءَ کمیٹی ءِ مٹوئی ءَ کمیشن آف انکوائری ایکٹ 2017 ءِ چیر دستیں کمیشن ءِ جوڑ کنگ ءِ سر ءَ تپاک کت۔ انکوائری کمیشن براڈ شیٹ جیڈھ دیم ءَ سہرا بوھگ ءَ تاں پٹ ءُ پول کنت، کمیشن کجام ھم مردم یا ادارگ ءَ را لوٹ کنگ ءُ مسل در جنگ ءِ مستری دار ایت، کابینہ ءَ کورونا ویکسین ءِ درآمد کنگ ءِ ھوالگ ءَ وزارت برائے نیشنل ہیلتھ سروسز، ریگولیشنز اینڈ کوآرڈینیشن ءِ نیمگ ءَ سپارش ءِ منظوری دات، کابینہ ءَ 5 فروری ءَ “کشمیر ءَ گوں یکوئی ءِ روچ” ءِ درگت ءَ برجم دارگ ءِ درشان کت، سینٹ ءِ الیکشن ساپ ءُ سلہ ءِ وڑ ءَ کنائینگ ءِ واستہ اوپن بیلٹ الیکشن ءِ واستہ ضلورت کپت گڈا کانود ءَ را مٹ ءُ بدل کنگ بیت، پی ٹی آئی ءَ را فارن فنڈنگ ءَ پسارینوکیں اپوزیشن وت پستگ، میراسی لیڈر ھمک ردئیں کارآنی سروک انت، لاہور ءَ دیم کنزگی جیڈھ ایشی ءِ سہرائیں درور ات۔ بنجاھی وزیر اھوالکاری ءُ شکگ کاری سینیٹر شبلی فراز ءَ گوشت کہ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ کت آئی ءَ گوشت کہ مرچی ارزشتی ایں بن گپ آنی سر ءَ باست ءُ واست کنگ بوتگ۔ مشیر برائے ادارگ آنی گہتری ءُ پراھ ءُ شاھیگانی ءِ نیمگ ءَ بنجاھی کابینہ ءَ را حکومت ءِ ٹاسک فورس برائے پراھ ءُ شاھیگانی ءُ ڈل ءِ نیمگ ءَ وزارت ءُ ڈویزنز ءَ 70 ہزار ھالیگیں پوسٹ آناں ھلاس کنگ، بنجاھی حکومت ءِ ادارگ آنی کساس 441 ءَ چہ کم کنان ءَ 324 کنگ ءِ ھوالگ ءَ ادارگ آنی گہتری ءِ بابت ءَ سرجمیں بریفنگ دیگ بوت۔ کابینہ ءَ را سرپد کنگ بوت کہ گوستگیں دو سال ءَ وزارت ءُ ادارگ آنی ھرچ ءُ درچ گیش کنگ نہ بوتگ۔ کابینہ ءَ را گیش گوشگ بوت کہ 7 ادارگ آنی ری سٹرکچرنگ ءِ ھوالگ ءَ گہتری کار آنی رد ءَ سپارش سیادی داروکیں وزارت آناں دیگ بوت۔ اے گہتری کار آنی ءَ سر ءَ دیمروئی کار آنی ھوالگ ءَ چار ءُ بچار کنگ بوھگ ءَ انت۔ شریکیں مردم آناں گوشگ بوت کہ گوستگیں ماہ آنی ساھت ءَ ایکسپورڑ ءَ بازیں سال آنی رد ءَ گیشی گندگ بوتگ وھدیکہ زر ءِ شنگ ءُ تالان ءَ 2.8 ارب ڈالر ءِ گیشی ریکاٹ کنگ بوتگ۔ گوستگیں سال ءِ رد ءَ زرامبار آنی تہ ءَ 2 بلین ڈالر ءِ گیشی ریکاٹ کنگ بوتگ۔ ایوک ءَ دسمبر ءِ ماہ ءَ ٹیکس زر آںی تہ ءَ 7.9 درسد گیشی گندگ بوتگ۔ پبلک سیکٹر ڈویلپمنٹ پروگرام ءِ چیر دستی ءَ ھرچ ءُ درچ گوستگیں سال ءَ چہ 7.4 درسد گیش بوتگ انت۔ گوستگیں 8 سال آنی ساھت ءَ 6 ماہ ءَ پی ایس ڈی پی فنڈز آنی کارمردی ءَ چہ درستاں چہ گیش ریکاٹ کنگ بوتگ۔ دیون ءَ را گوشگ بوتگ کہ ھرچ ءُ درچ ءَ چہ گیش بوتگ انت وھدیکہ کشت ءُ کشار ءِ شوبگ ءَ دان ءِ کشار ءَ 10 درسد گیشی، شکر کانڈیل ءِ کشار 13 درسد گیشی ءُ مکئی ءِ کشار ءَ 9 درسد گیشی ریکاٹ کنگ بوتگ۔ منیوفکچرنگ ءِ شونگ ءَ جوان گیشی ریکاٹ کنگ بوتگ۔ اے سال لارج سکیل منیوفکچرنگ 7.4 درس گیشی، ایوک ءَ دسمبر ءِ ماہ ءَ لارج سکیل منیوفکچرنگ ءَ 14.5 درسد گیشی ریکاٹ کنگ بوتگ وھدیکہ 12 سال ءَ درستاں چہ گیش انت۔ لس مردم ءِ زر کٹ ءِ ھوالگ ءَ کابینہ ءَ را گوشگ بوت کہ گوستگیں سال ءَ لس مردم ءِ کٹ ءِ کساس 11.1 درسد کمی بوتگ وھدیکہ سال ءِ شش ماہ ءَ اے کساس 8.6 درسد بوتگ۔ ایوک ءَ دسمبر ءِ ماہ ءَ افراط ءِ زر ءِ کساس 6.4 درسد بوتگ۔ آیوکیں ماہ ءَ لس مردم ءِ کٹ ءِ کساس ءِ تہ ءَ گیشی امیت انت۔ شریکیں مردم آناں گوشگ بوت کہ ایکسچینج ریٹ برجم انت وھدیکہ اپریل 2018 ءَ چہ سٹاک مارکیٹ برزتریں تک ءَ انت۔ کابینہ ءَ نیشنل ڈیزاسٹر رسک مینجمنٹ فنڈ ءَ را وزارت برائے منصوبہ بندی دیمروئی ءُ گہتری کار ءُ سپیشل انیشیٹو چیر دستی ءَ آرگ ءُ ادارگ ءِ آیوکیں باندات ءِ ڈلی کوکا ءِ ھوالگ ءَ جوڑ بوتگیں کابینہ ءِ کمیٹی ءِ سپارش ءِ منظوری دات۔ کابینہ ءَ نیشنل ڈیزاسٹر رسک مینجمنٹ فنڈ ءَ را وزارت برائے منصوبگ بندی دیمروئی ءُ گہتری کار ءُ سپیشل انیشیٹو ءِ چیر دستی ءَ آرگ ءُ ادارگ آنی گہتری ءُ آیوکیں باندات ءِ سپارش آنی بنجاھی کابینہ ءَ پاکستان ءِ International Network on Bamboo and Rattan (INBAR)ممبر شپ ءِ ھوالگ ءَ یکجا بوھگ ءِ منظوری دات۔ کابینہ ءَ اسلام آباد ہائی کورٹ ءِ پیسلہ ءِ رد ءَ ڈیلی ویجرز ءُ کنٹریکٹ مزدگر آناں پکو کنگ ءِ ھوالگ ءَ کمیٹی ءِ جوڑ کنگ ءِ منظوری دات۔ بنجاھی کابینہ ءَ کابینہ ءِ کمیٹی برائے ریاستی ملکیتی ادارگ آنی 20 جنوری 2021 ءِ برجم بوھوکیں دیوان آنی پیسلہ آنی منظوری دات۔ بنجاھی کابینہ ءِ سیکرٹری ورکرز ویلفیئر فنڈ ءِ پوسٹنگ ءِ منظوری داست۔ کابینہ ءَ آئل اینڈ گس ڈویلپمنٹ کمپنی لمیٹڈ ءِ بورڈ آف ڈائریکٹرز ءِ گچین ءِ ھوالگ ءَ نامینگی، ایشانی تہ ءَ سید خالد سراج، ظفر مسعود، محم ریاض خان، شمامہ تل امبر ارباب، جہانزیب درانی، اکبر ایوب خان ھوار انت، ایشانی منظوری دات۔
