گلگت ۔26جنوری (اے پی پی):صدر مملکت ڈاکٹر عارف علوی ءَ گلگت بلتستان ءِ صوبائی کابینہ ءِ پجاروکی دیوان ءَ گوں گشتانک دیان ءَ گوشت کہ گلگت بلتستان ءِ گوما منی دوستی ءُ واھگ ءِ سیادی انت۔ گلگت بلتستان ءَ سیل ءُ سواد ءِ دیمروئی ءِ واستہ سفیر ءِ بستار ءَ کار کنگ ءَ آں۔ حکومت گلگت بلتستان ءَ پازیٹیو کشک ءَ رھادگ انت۔ بازیں انچیں گامگیج بیت کہ ایشانی آسراتی زوتیں رنگ ءَ ناں بلکینگ ءَچیزوکے وھد ءَ چہ پد گندگ بنت۔ گلگت بلتستان ءَ سیل ءُ سواد، مائنز، ھاٹیگ ءُ کشت ءُ کشار ءِ شوبگ ءَ دراج بُریں موہ است انت اے شوبگ آنی سر ءَ ھاسیں دلگوشی ءِ ضلورت انت۔ مزن وزیر پاکستان عمران خان گریب آنی درد ءَ را دور کنت ھمے ھاترا کورونا وائرس ءِ بنگیج ءَ درستانی گوشگ ءَ ابید ملک ءَ لاک ڈائون نہ کتگ ایش یک جوانیں گامگیج ءِ بوتگ مزچی سرجمیں دگنیا پاکستان ءِ اے پالشی ءِ توسیپ ءَ کنگ ءَ انت۔ مزن وزیر پاکستان ءَ سرجمیں دگنیا ءَ پاکستان ءِ پجار ءَ را سہرا کتگ۔ ملک گہتری ءِ نیمگ ءَ روگ ءَ انت۔ فاٹا ءُ کراچی ءِ واستہ ھاسیں پیکیج منظور کتگ۔ بلین ٹری سونامی مزن وزیر پاکستان عمران خان ءِ اے رنگیں منصوبگ ءِ بوتگ ایش ایشی ءَ چہ پیسر اچ کس ءَ سسا نہ کتگ اے منصوبگ ءَ چہ سرجمیں ملک ءَ ایٹماسپئر ءِ گہتری ءَ کمک رس ایت۔ گلگت بلتستان ءَ انٹرنیٹ ءِ گہتری ءِ واستہ وتی کرد آناں پیلو کناں۔ حکومت گلگت بلتستان ءِ نیمگ ءَ بندات بوھوکیں ٹیلی میڈیسن ءِ منصوبگ سک باز جوان انت۔ گلگت بلتستان ءَ وانندگیں مردم آنی کساس باز جوان ءُ دلبڈ انت، آیوکیں باندات ءَ وانگ ءُ زانگ ءِ نیمگ ءَ دلگوش دیگ ءَ پازیٹیو رند پد دیم ءَ سہرا بنت۔ آئی ءَ گوشت کہ میاں اوستمانی ءُ ھندی تک ءَ تکنیکی سٹاف ءِ ضلورت گیش بوھگ ءَ انت ایشی رد ءَ ورنا آناں تکنیکی وانگ ءُ زانگ ءِ نیمگ ءَ دلگوشت کنگ ءَ ضلورت انت۔ گلگت بلتستان ءَ سرمایہ کاری ءِ دیمروئی ءِ واستہ میاں اوستمانی تک ءَ سرمایہ کاری ءِ ھوالگ ءَ نماھشی پروگرام برجم کنگ بیت ایشانی تہ ءَ شریک بوھگ ءِ واستہ سرمایہ آناں گلگت بلتستان ءِ نیمگ ءَ دلگوش کنگ بوت کنت۔ آئی ءَ گوشت کہ میڈیکل ءُ انجینئرنگ کالج ءِ برجائی ءَ چہ ڈاکٹر ءُ جنرل نرسز آنی کمی ءِ جیڈھ آیوکیں باندات ءِ بنیات ءَ گیوار بنت۔ توامیں شوبگ آنی ساپ ءُ سلہ ئی ءَ را دل یکیمی جوڑ کنگ بوھگ ءَ انت۔ محکمہ جان سلامتی ءَ را 6 جون ءَ تاں توامیں ضلعی ھیڈ کوارٹرز آنی ہسپتال آناں سرجمیں رنگ ءَ برجا کنگ ءِ پنت ءُ شون کنگ بوتگ ایشی ءَ چہ توامیں ضلع آنی لاس آناں سیادی داروکیں ضلع آنی تہ ءَ گہتریں جان سلامتی آسراتی پجاری بیت۔ گلگت ءُ سکردو ءَ گرلز کیڈٹ کالج ءِ جوڑیشت ءِ واستہ منصوبگ بندی کنگ بوھگ ءَ انت۔ پرائیویٹ سیکٹر ءِ دلبڈی ءِ واستہ پکوئیں گامگیج کنگ بوھگ ءَ انت۔ پرائیویٹ سیکٹر ءِ دلبڈی ءِ واستہ گامگیج کنگ بوھگ ءَ انت۔ سردی ءِ موسم ءِ سیل ءُ سواد ءِ دیمروئی ءِ واستہ اولی رند ءَ گلگت بلتستان ءَ انٹرنیشنل ایونٹس برجا کنگ بوھگ ءَ انت۔ صدر ءِ پاکستان ءَ را صوبائی کابینہ ءِ توسیپی دیوان ءِ موہ ءَ سیل ءُ سواد، دیمروئی منصوبگ ءُ جنگل ءُ جنگلی زندہ جان آنی ھوالگ ءَ سرجمیں بریفنگ ءِ دیگ بوت۔
