اسلام آباد۔ 26 جنوری (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ بھارت نا پن انا جمہوریت و سیکولرزم نا پڑدہ پاش مسنے، بھارت جمہوریت نا لویس اٹ اسہ اتنہاپسند ہندوریاست اسے۔ بھارت پاکستان اٹی دہشت گردی نا واقعہ غاتیٹی اوار ءِ۔ سے شنبے نادے آ وزارت نا کنڈآن جاری بیان نا رداٹ داخیال آتا درشانی ءِ او بھارت نا پن انا یوم جمہوریہ نا وخت آ تینا بیان اٹی کرے۔ بنجائی وزیر پارے کہ بھارت نا پن انا جمہوریت و سیکولرزم نا پڑدہ پاش مسنے۔ بھارت جمہوریت نا لویس اٹ اسہ انتہاپسند ہندوریاست اسے۔ اوپارے کہ مچ آ دنیا بھارت ءِ اسہ ہندو انتہاپسند فاشٹ ملک اسے نا وڑاٹ مننگ ءِ۔ بھارت اٹ اقلیت آک خاص کر مسلمان و سکھ آتا حق ءِ خلنگ انگ ءِ۔ غٹ بھارتی ریاستی ادارہ غاک آرایس ایس نا ہندو انتہاپسند نظریہ نا کارندہ جوڑ مسنو۔ اوپارے کہ پاکستان نا برخلاف مہم جوئی ٹی بھارتی فوج و میڈیا نا ناپاک گٹھ جوڑ پاش مسنے۔ بھارت پاکستان اٹی دہشت گردی نا واقعہ غاتیٹی اوار ءِ۔ بھارتی انتہاپسند عزم آن ڈیہہ و دنیا نا سلامتی ءِ بھاز خطرہ مون تروک ءِ۔ علی امین گنڈاپور پارے کہ جہانی برادری ہندوانتہاپسند فاشٹ بھارت نا برخلاف پابندی تا اطلاق کے۔ ڈیہہ نا دیرپاامن کن کشمیر نا ویل انا ساف وڑاٹ ایسری کن گام گیج کننگے۔
