اسلام آباد۔ 26 جنوری (اے پی پی) چیئرمین کشمیر کمیٹی شہریار خان آفریدی پارینے کہ بھارت اٹی اقلیت آک خاص نشانہ غاٹی ءُ، مودی آرایس ایس ءِ اوفتا کشت وخون نا پاش آن پاش چھوٹ تسنے۔ بھارت نا یوم جمہوریہ ءِ تہار دے انا وڑاٹ اڈتننگ نا بابت تینا ٹویٹ اٹی اوپارے کہ ہندوتوا سوچ تخوک آ وزیراعظم نریندر مودی تینا فوج و آرایس ایس ءِ چھوٹ تسنے کہ او مسلمان، عیسائی و سکھ آتا کشت وخون ءِ کیر۔ کشمیر ہندوتوا نا اقلیت کش ڈٹ انا خاص نشانہ ءُ، شہریارخان آفریدی پارے کہ مودی تینا فوج ءِ کشمیری تا نسل کشی نا کاریم ءِ تسنے، بھارتی میڈیا وحکومت بھاز ہُشاری اٹ ہندوستان اٹ برجا انتہاپسندی آ پڑدہ شاغانو۔ شہریارخان آفریدی پارے کہ ہندوستان اٹی پس پردہ برجا انتہاپسندی داسہ دنیا نا مون آ پاش مننگ نا بناءِ کرینے، بھارت اٹی تالان غلط گمانی، اقلیت آتا برخلاف بیدادی و کشمیری تیان خار پیدوار ءِ۔
