اسلام آباد۔25جنوری (اے پی پی): مزن وزیر عمران خان ءَ دیمروئی ءِ کشک ءَ استیں پینگ آناں دور کنگ ءِ واستہ پنچ ٹکی ایجنڈا آنی شو ر ءُ مشور پیش کنان ءَ گوشت کہ ھوپ ءِ ھلاسی ءَ تاں گریبیں ملک آنی واستہ آناں مھتل کنگ بہ بیت، دیمروئی کنوکیں ملک آنی واستہ 500 ارب ڈالر ءِ کمکی فنڈ آناں جاڑی کنگ بہ بیت، ویکسین ءِ یک شلی ءَ پجاری ءَ را دل یکیمی جوڑ کنگ بہ بیت، ھوپ ءِ ھلاسی ءَ تاں وامداریں ملک آنی وام آنی تہءَ ریایت دیگ بہ بیت۔ دو شمبے ءَ یونائیٹڈ نیشن ءِ چیر دستی ءَ تجارت ءُ دیمروئیءِ ھوالگ ءَ کانفرنس ءَ گوں گشتانک دیان ءَ مزن وزیر ءَ گوشت کہ مرچی دگنیا بے کساس جان سلامتی ءُ معاشی ڈکال آں گوں دیم پہ دیمی انت۔ اگاں کورونا وائرس امیر ءُ گریب آنی نیام ءَ کسے پرک نہ کنت، بلے ایشی ءَ پشمندگیں تبک ءُ گریبیں ملک آناں درستاں چہ گیش آماچ کتگ۔ لکھانی مردم گریب بوتگ انت۔ مزن وزیر ءَ گوشت کہ پاکستان ءَ مئے کوشست انت کہ مردم آناں یکیں وھد ءَ ھوپ ءُ شدیکی ءَ چہ مرگ ءَ رکھینگ بہ بیت۔ اے رد ءَ وش بھتی ءَ چہ مئے گامگیج جوان سہرا بوتگ انت بلے وائرس ءِ دومی فیز ءِ سر ءَ سرجمیں رنگ ءَ گر ءُ دار ءُ معاشی نمبگ ءَ را یک شل ءَ دارگ ءِ واستہ کوشست ءِ ضلورت انت۔ مزن وزیر ءَ گوشت کہ ھوپ ءِ ھلاسی ءَ تاں مھکمیں دیمروئی ءِ در جنگ یک واب ات۔ آئی ءَ گوشت کہ دیمروئی کنوکیں ملک کورونا ھوپ ءِ برجائی ءِ کوشست ءُ وتی پرز آنی پیلو کنگ ءِ نیام ءَ پستگ انت۔ مزن وزیر ءَ گوشت کہ گوستگیں سال اپریل ءَ ، من دیمروئی کنوکیں ملک آںی وام ءَ ریلیف ءِ ھوالگ ءُ معشی گروتھ آناں برجا کنگ ءِ واستہ میاں اوستمانی تک ءَ گامگیج آنی شور ءُ مشور پیش کتگ بوتگ۔ بلے منا ترس انت کہ اے رد ءَ 2030 ءَ تاں مھکمیں دیمروئی ءِ سیم سر آنی در جنگ ءِ واستہ بازیں چیز کنگ ءِ ضلورت انت، ایشی ءَ ابید ایشی ءِ در جنگ یک ٹوھیں جیڈھ ءِ بیت۔ مزن وزیر ءَ گوشت کہ ھوپ میاں اوستمانی وشھالی ءُ دیمروئی ءِ کشک ءَ پینگ آناں دور کنگ ءَ یک گہتریں موہ ءِ ھم پجاری کنگ ءَ انت۔ مزن وزیر ءَ دیمروئی ءِ کشک ءَ استیں پینگ آناں دیمروئی کنگ ءِ واستہ یک پنچ ٹکی ایجنڈا ءِ شور ءُ مشور پیش کنان ءَ گوشت کہ نوک دیمروئی کنوکیں ملک آناں ھمکچیں ءُ جوانیں ویکسین ءِ یک شلی ءَ پجاری ءَ را دل یکیمی جوڑ کنگ بہ بیت، ایشی ءَ چہ نوک دیمروئی ملک آناں معاشی ءُ اقتصادی دیمروئی ءِ ضلورت ءِ رد ءَ وتی گران بھائیں آسراتی آناں ھرچ کنگ ءَ کمک ءُ گیشیں وام زورگ ءَ چہ آزاتی رس ایت۔ آئی ءَ گوشت کہ دیمروئی کنوکیں ملک آنی واستہ 500 ارب ڈالر ءِ کمکی فنڈ آناں جاڑی کنگ بہ بیت۔
