اسلام آباد۔25جنوری (اے پی پی): بنجاھی وزیر ھزانگ ڈاکٹر عبدالحفیظ شیخ ءَ گران بھائی ءَ را گر ءُ دار ءِ واستہ بنجاھ ءُ صوبگ آنی مھکمیں کوشست آناں ساڑاھان ءَ سرجمیں ملک ءَ لس مردم آنی ھمروچگیں وردن ءُ وراکی سامان آنی سستائیں نیاد ءَ پجاری ءَ را دل یکیمی جوڑ کنگ ءِ واستہ کوشست جاڑی دارگ ءِ پنت ءُ شون کتگ۔ نیشنل پرائس مانیٹرنگ کمیٹی ءِ دیوان دو شمبے ءَؒ ادا بنجاھی وزیر ھزانگ ڈاکٹر عبدالحفیظ شیخ ءِ سروکی ءَ برجم دارگ بوت۔ دیوان ءَ وزیر ءِ صنعت ءُ پیداوار حماد اظہر، ھاسیں کمکار ریونیو ڈاکٹر وقار مسعود، صوبائی چیف سیکرٹریز ، سیکرٹری تجارت، سیکرٹری صنعت ءُ پیداوار، سیکرٹری راجی وردن ءُ وراک ءُ پٹ ءُ پولکار، ایڈیشنل سیکرٹری وزارت منصوبگ بندی ‘ چیئرمین ایف بی آر‘ ممبر مسابقتی کمیشن‘ چیئرمین ٹریڈنگ کارپوریشن آف پاکستان‘ ایم ڈی یوٹیلٹی سٹورز کارپوریشن‘ ممبر پاکستان بیورو برائے شماریات ءُ وزارت ءِ ھزانگ ءِ کلانہ ایں اپسرگ آں بھر زوری کت۔ دیوان ءِ تہ ءَ ملک ءَ آرت ءُ روگن ءَ ھوار ءضلوریگیں سامان آنی نیاد آنی سر ءَ چار ءُ تپاسی گرگ بوت۔
