اسلام آباد۔ 25 جنوری (اے پی پی) پاکستان و چین 2021 ء ٹی ہڑتوم آ کنڈآتا تعلقداری تے مون آ دننگ کن سنبرینگوک ءُ۔ چینی کمامدارآتارداٹ 2021ء ٹی ہڑتوم آ کنڈآتا ہن و بر ءِ پین سوگو کننگ و کوویڈ۔ 19 اٹی ہڑتوم آ کنڈآتا کمکاری ءِ ودفنگک۔ اینخو سال پاک چین سفارتی تعلقداری تا 70 می سال دے ءِ اڈتننگ انگ ءِ و ہڑتوم آ ملک آک دادے چندی بشخ آتیٹی تینا تعلقداری تے سوگو کننگ نا اہم موقع نا وڑاٹ داڑآن فائدہ ہرفرہ۔ سی پیک کمکاری ٹی ودکی کننگ و دینی حالیت آتیان پد انا دور اٹی زرگزران ءِ سوگو کننگک۔
