ایبٹ آباد۔ 25 جنوری(اے پی پی) بنجائی وزیر توانائی، پٹرولیم و قدرتی وسیلہ عمرایوب خان یونین کونسل کھولیاں بالا نا چندی علاقہ غاتا منتشر آبادی تیٹی سوئی گیس انا فراوانی کن پین مسہ کروڑ روپئی نا فنڈ جاری کرے ہرافتا ٹینڈر اوپن مرسا کنٹرکٹر آتے ملانے و اوفتیا زوت کاریم نا بنامریک۔ داخیال آتا درشانی ءِبنجائی وزیر عمرایوب خان نا کوآرڈینیٹر ساجد خان کھولیاں بالا نا ہند آ ہندی بندغ آتون گپ وتران کرسا کرے۔ اوداوخت آ مخلوق آن گیس میٹر آتا درخواست آتے ہم ہلک وخت اس کہ سوئی نادرن گیس انا تعلقدار آفیسر آک ہم داوخت آ اوڑتون اوار ئسر۔ حاجی نواز خان، شیر بہادر، اسد شاہ وخاور خان تون اوار ایلو ہندی بندغ آک دا وخت آ منتشر آبادی تیکن پین بھلو فنڈنگ اس کننگ آ بنجائی وزیر عمرایوب خان نا منت واری ءِ ہرفیر۔
