کوئٹہ۔ 25 جنوری (اے پی پی) وزیراعلیٰ بلوچستان جام کمال خان آواران آ سرمننگ آ اودے ڈی سی کمپلیکس اٹ گارڈ آف آنر پیش کننگا۔ وزیراعلیٰ ءِ ڈپٹی کمشنر سیف اللہ کھیتران نا شونداری ڈٹ، امن و ایمنی، جان جوڑی و تعلیم نا بشخ اٹی گچین کن چست کروک آ گام گیج آتا بابت سرجم حوال تننگ آن پد وزیراعلیٰ سپورٹس کمپلیکس، بوائز ڈگری کالج و گورنمنٹ گرلز انٹرکالج نا باقاعدہ بناءِ کرے۔ وزیراعلیٰ بلوچستان جام کمال خان ایل پی جی پلانٹ نا ہم دورہ ءِ کرے و ایل پی جی پلانٹ نا چندی بشخ آتا معائنہ ءِ کرے وخت اس کہ وزیراعلیٰ بلوچستان اُراتا تفنگ کن زمی جمب انا زہمی تیٹی چیک بشخا۔ وزیراعلیٰ بلوچستان جام کمال خان پارے کہ الس ءِ بنداوی آسراتی و گچین انفراسٹرکچر نا فراوانی کن کوشست کننگ اُن اوپارے کہ ہر ضلع ٹی اسپورٹس کمپلیکس جوڑ کننگ اُن و سویلی بلوچستان شونداری پروگرام نا رداٹ آواران تون اوار ایلو ضلع غاتیکن چندی شونداری ڈٹ آک اوار ءُ۔
