صدر ءِ مملکت ڈاکٹر عارف علوی  چار روچی تر ءُ تاب ءِ ھاترا گلگت ءَ سر  بوت

گلگت ۔24جنوری (اے پی پی):صدر مملکت ڈاکٹر عارف علوی چار  روچی تر ءُ تاب ءِ ھاترا گلگت ءَ سر بوت، آھودا آئی ءَ نیشنل سکی چیمپئن شپ ءِ گڈی مراگش ءَ بھر زوری ءِ واستہ گلگت ءِ سیل ءُ سوادی ھند نلتر  ءَ شت۔ صدر مملکت ھاسیں بالیگ ءَ چہ گلگت ءَ پج ات گڈا ائیر پورٹ ءَ گورنر گلگت بلتستان راجہ جلال حسین مقپون،  سر وزیر  خالد خورشید خان، کمانڈر فورس کمانڈ  گوریچانی دمگ میجر جنرل جواد احمد قاضی،   چیف سیکریٹری خرم آغا، آئی جی ڈاکٹر مجیب الرحمن  ءَ ھوار ٹوھ ٹوھیں کارندہ آں  آرا وش اتک کت۔ ایشی ءَ پد صدر ڈاکٹر عارف علوی نلتر ءَ روادگ بوت۔  آھودا آئی ءَ راجی سکی چیمپئن شپ ءِ گڈ مراگش  ءَ ھاسیں مہمان ءِ بستار ءَ  بھر زوری کنت۔ صدر  عافر علوی  وتی تر ءُ تاب ءَ  صوبائےی اسمبلی ءِ باسک آں گوں گند ءُ نند کتک حکومت گلگت بلتستان ءِ نیمگ ءَ صوبگ ءِ جوڑیشت ءُ دیمروئی ءِ ھوالگ ءَ ھم سرجمیں بریفنگ  دیگ بیت۔