مزن وزیر عمران خان ءَ گوں دیر ءُ سوات ءَ گوں سیادی داروکیں راجی اسمبلی ءِ باسک آنی گند ءُ نند، دیمروئی منصوبگ آنی سر ءَ  ھیال ریچی

اسلام آباد۔24جنوری (اے پی پی): مزن وزیر عمران خان ءَ گوں دیر ءُ سوات ءَ گوں سیادی داروکیں راجی اسمبلی ءِ باسک آں یک شمبے ءِ روچ ءَ  گند ءُ نند کت ءُ وتی وتی دمگ آنی دیمروئی منصوبگ آنی سر ءَ  استیں دیمروئی کار آنی سر ءَ ھیال ریچی کت۔ مزن وزیر ءَ  گوں گند ءُ نند کنوکیں  مردم آنی  تہ ءَ ھاسیں کمکار برائے سیاسی کار ملک عامر ڈوگر ، سلیم رحمان ءُ  بشیر خان ھوار اتنت۔ گند ءُ نند ءَ دیر ءَ ایمنی ءُ برجائی ءِ  جاور ھال آنی سر ءَ ھیال ریچی کنگ بوت۔  راجی اسمبلی بشیر خان ءَ مزن وزیر  ءَ را دیر ءَ  جوڑ بوھوکیں  ڈیمز  ءِ جوڑیشت ءَ ھندی مردم آنی مزوری ءِ  بابت ءَ  بریفنگ دات۔  ایشی ءَ ابید دمگ ءِ جیڈھ ءُ السی گہبود ءِ واستہ چست کتگیں گامگیج آنی بابت ءَ سرپد کت۔ سلیم رحمان ءَ مزن وزیر ءَ را سوات ءَ سیل ءُ سواد ءِ دیمروئی ءُ  ایشی ءَ چہ ھندی مردم آنی معاشی جاور ھال آنی  سر ءَ نکش بوھوکیں پازیٹیو رند پد ءُ سوات ءَ وانگ ءُ زانگ ءُ جان سلامتی ءِ  منصوبگ آنی  دیمروئی ءِ بابت ءَ سرپد  کت۔