اسلام آباد۔24جنوری (اے پی پی):صدر مملکت ڈاکٹر عارف علوی ءَ گوشت کہ گلگت بلتستان ءِ شر رنگی لائک ءِ چارگی انت دمگ ءِ ایمن برجا بوھگ ءِ سبب ءَ گوستگیں 20 لکھ ھندی ءُ میاں اوستمانی سیل ءُ سوادی مردم آں دمگ ءِ ندارگ کتگ، یک شمبے ءِ روچ ءَ بلتر ءَ ونٹر سپورٹس فیڈریشن آف پاکستان ءُ پاک فضائیہ ءِ شریکداری ءَ چہ جاڑیگیں ونٹر سپورٹس ءِ لیب آنی گڈی مراگش ءَ ھاسیں مہمان ءِ بستار ءَ گشتانک دیان ءَ کت آئیء۔ گلگت ائیر پورٹ ءَ انٹر نیشنل بالیگ آںی بندات کنگ، دمگ ءَ سڑک آنی جاور ھال آنی گہتر کنگ، رسانک ءُ انٹرنیٹ ءِ نظام ءِ گہتر کنگ ءِ کار جاڑی انت۔ صدر ءِ مملکت ءَ گوشت کہ دمگ ءَ سیل ءُ سوادی مردم آناں جوانیں آسراتی دیگ بہ بیت ھمے ھساب ءَ دمگ ءَ را گیش دیمروئی رسیت۔ آئی ءَ گوشت کہ پاک اُر د ءُ الس آنی کمک ءَ چہ چہ ملک ءَ ناشرکاری ھلاس بوتگ ایشی ءِ سبب ءَ دمگ ءَ سیل ءُ سواد ءِ موہ پچ بنت۔ صدر ءِ مملکت ءَ گوشت کہ پنجاھ ءِ زمانگ ءَ گلگت نلتر ءَ سکی ءِ دیمروئی ءِ واستہ پاک فضائیہ ءَ گامگیج بندات کتگ ایشی ءِ جوانیں آسر رسگ ءَ انت۔ صدر ء۔ ایونٹ ءِ برجا کنگ ءِ پد ءَ پاک فضائیہ ءِ توسیپ کت۔ ایشی ءَ چہ پد صدر مملکت ءَ لیبی آناں میڈلز، ٹرافی ءُ داد بھر ءُ بانگ کت۔
