اسلام آباد۔24جنوری (اے پی پی): بنجاھی وزیر رسانک مراد سعید ءَ گوشت کہ موٹروے پولیس ءَ جوانیں کزبی کار ءُ ایمنانداری ءِ جوزگ ءَ گوں الس ءِ ازمت کنان ءَ وتی محکمہ ءِ نام ءَ سرا سہرا کتگ، ایش ناں ایوک ءَ موٹروے پولیس بلکینگ ءَ ھمک پاکستانی ء، واستہ توسیپ ءُ پھر ءِ تران ات۔ اے گپ آئی ءَ نیشنل ہائی ویز اینڈ موٹروے پولیس ءِ چیر دستی ءَ بست ءُ بند کتگیں ڈرائیونگ لائسنسنگ اتھارٹی ءِ مراگش ءَ گشتانک دیان ءَ ھاسیں مہمان ءِ بستار ءَ گشتانک دات۔ مراگش ءَ انسپکٹر جنرل نیشنل ہائی ویز اینڈ موٹروے پولیس ڈاکٹر سید کلیم امام، ایڈیشنل انسپکٹر جنرل نیشنل ہائی ویز اینڈ موٹر وے پولیس، ڈی آئی جیز، ایس ایس پیز ءُ ایندگر کلانہ ایں اپسرگ ءُ مزدگر آں بھر زوری کت۔
