براڈ شیٹ ءِ واستہ پٹ ءُ پولی کمیٹی ءِ سر ءَ اپوزشن ءِ بُکگ  بے سر ءُ پاد انت، بنجاھی وزیر منشیات ءِ گر ءُ داسر اعجاز احمد شاہ ءِ میڈیا ءَ گوں تران

ننکانہ صاحب۔24جنوری (اے پی پی): بنجاھی وزیر منشیات ءِ گر ءُ دار بریگیڈیئر (ر) اعجاز احمد شاہ ءَ گوشت کہ براڈ شیٹ ءِ واستہ پٹ ءُ پولی کمیٹی ءِ سر ءَ اپو2زیشن ءِ بُکگ  بے سر ءُ پادین انت، وت اپوزیشن  گل آں براڈ شیٹ ءِ سر ءَ پٹ ءُ پول ءِ لوٹ کتگ بوتگ۔ براڈ شیٹ کیس ءَ پاکستان تحریک انصاف ءِ اچ  دست مانجنی نیست انت۔ یک شمبے ءِ روچ ءَ میڈیا ءَ گوں تران کنان ءَ بنجاھی وزیر  منشیات ءِ گر ءُ دار ءَ گوشت کہ حکومت ءَ الس آناں براڈ شیٹ سکینڈل ءِ راستیں لکا ءَ را پیش دارگ ءِ واستہ پٹ ءُ پولی کمیٹی جوڑ کتگ۔ اے 18 سال پیسرے سکینڈل انت  ایشی ءِ پیسلہ ھم 2018 ءَ اتکگ بوتگ۔ آئی ءَ گوشت کہ پاکستان تحریک انصاف ءَ اے کیس ءَ   "ادائیگی” ھمے ھاترا کتگ چیا کہ پاکستان ءَ را پنچ ہزار  پائونڈ ھمک روچ جرمانہ دیگ کپگ ءَ ات۔  آئی ءَ گوشت کہ سیکینڈل ءِ پٹ ءُ پول ءِ واستہ حکومت  ھرچی کمیٹی جوڑ کنت، اپوزیشن  ایشی سر ءَ بُکگ جنت۔  اعجاز شاہ ءَ گوشت کہ  سر وزیر پنجاپ ءَ گوں گند ءُ نند ءَ منشیات بھا کنوک آنی ھلاپ ءَ ٹوھیں کریک ڈائون  ءِ سر ءَ  تپاکی بوتگ۔ کریک ڈائون ءِ واستہ پنجاپ پولیس، کسٹم، ایکسائز ءَ ھوار توامیں  ادارگ آنی گوما کمک زورگ بیت۔ آئی ءَ گوشت کہ منشیات بھا کنوک مئے نوکیں باھند آناں زہر دیگ ءَ انت۔   منشیات بھا کنگ ءِ ھلاپ ءَ  ھمک پاکستانی ءَ وتی جوانیں کرد پیلو کنگی انت۔