ایبٹ آباد۔23جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ اھوالکار آنی گہبود ، دوا ءُ درمان ءِ آسراتی ءُ استیں جیڈھ آنی گیواری ءِ واستہ جرنسلٹ پروٹیکشن بل اسمبلی ءَ چہ منظوری ءَ زوت در جناں، دمگی زبان آنی دیمروئی ءَ چہ ہندکو ءَ را ریڈیو ءَ شنگ ءُ تالان بوھگ ءَ ھوار گیجگ بوتگ ایسوسی ایٹڈ پریس آف پاکستان (اے پی پی) ءَ ہندکو شوبگ ھم جوڑ کناں، پی ٹی وی بیورو ءُ ریڈیو پاکستن ءِ مزدگر آناں ایبٹ آباد ءَ “بحال” کناں۔ آ گوستگیں روچ ءَ اسلام آباد ءَ صدر ایبٹ آباد پریس کلب محمد عامر شہزاد جدون ءِ سروکی ءَ اھوالکارآنی ڈل ءَ گوں تران کنان ءَ کت۔ اے موہ ءِ سر ءَ راجی اسمبلی ءِ باسک علی خان جدون، پی آئی او پی آئی ڈی، ایبٹ آباد پریس کلب ءِ ممبر طارق تنولی، عبدالواسع خان، ہارون تنولی، ارشد سواتی، سید کمال حسین شاہ ءُ مطیع الرحمن تنولی ھم ساڑی ات۔
