اسلام آباد۔23جنوری (اے پی پی): پیسر ءَ پاکستان ءَ نندوکیں ءُ انوگیں روسی وطنی سائنسدان ڈاکٹر جان عالم ءَ گوشت کہ آئی ءَ کورونا ءِ دوا ءَ را تیار کتگ ایش نینو ٹیکنالوجی ءِ رد ءَ آپیں درمان ءَ چہ جوڑ بوتگ ءُ ای دوا پنچمی جنریشن ءِ نوکتریں پٹ ءُ پول آنی رپک ءِ درمان ات۔ آئی ءَ گوشت کہ منولائٹ دوا ءِ اندر ءَ اچ ترندیں ءُ جان سلامتی ءِ تاوانی چیز مان نیست۔ ایش سک باز سیت مند یں چیزے۔ آئی ءَ گوشت کہ منرولائٹ دوا ءِ کارمردی ءَ چہ کرونا مریض نیبالائزنگ ءِ 10 روچ ءَ مردم جان سلامت بوت کنت۔ آئی ءَ گوشت کہ وینٹیلیٹر ءِ سر ءَ شفٹ بوتگیں مریض ھم زوت جان سلامت بوت کنت۔ ڈاکٹر جان عالم ءَ گوشت کہ دوا ءَ را دیم یا جسم ءِ سر ءَ اسپرے کنگ ءَ کورونا وائرس ءَ چہ رکھگ بوت کنت۔ یک رندے ءِ اسپرے 4.3 کلاک ءَ سرجمیں رنگ ءَ وائرس ءَ چہ رکھینت کت کنت۔ ڈاکٹر جان عالم ءَ گوشت کہ آئی ءَ اے دوا 7 سال پیسر جوڑ کتگ بوتگ ءُ 20177 ءَ روس ءَ رجسٹرڈ بوتگ۔ آئی ءَ گوشت کہ ایندگر 20 درمان آئی ءَ جوڑ کتگ ایشانی تہ ءَ کینسر ءِ ھلاپ ءَ جوانیں درمان ایشی کارمردی ء۔ چہ کینسر ءِ مریض سرجمیں رنگ ءَ جان سلامتی بوت کن انت۔ آئی ءَ شمبے ءِ روچ ءَ پریس کلب اسلام آباد ءَ پریس کانفرنس ءَ اھوالکاراں گوں تران کنان ءَ بریفنگ ءِ ساھت ءَ کت۔ آئی جوانیں جان سلامتی کار ءُ پٹ ءُ پول آنی سبب ءَ روسی حکومت ءَ 3 مزن نامیں ملکی ایوارڈ “داد” داتگ۔ آ 2018 ، 20199 ءُ 2020 ءِ دگنیا ءِ جوانتریں میڈیکل سائنس دان بوھگ ءِ شرپ رستگ۔ آئی ءَ گشتگ کہ آئی ءَ کورونا وائرس ءِ درمان جوڑ کتگ۔
