اسلام آباد۔23جنوری (اے پی پی): مزن وزیر عمران خان ءَ گوں راجی ءُ صوبائی اسمبلی ءِ باسک آں شمبے ءِ روچ ءَ ادا گند ءُ نند کت ءُ گجرات ءُ منڈی بہائوالدین ءَ السی ریلیف ءِ گامگیج آنی ھوالگ ءَ سرجمیں ھیال ریچی کت۔ مزن وزیر ءَ گوں گند ءُ نند کنوک آنی تہ ءَ ھاسیں کمکار برائے سیاسی کار ملک عامر ڈوگر، راجی اسمبلی ءِ باسک حاجی امتیاز احمد ءُ شوکت علی بھٹی، صوبائی اسمبلی ءِ باسک سلیم سرور جواڑا، میاں اختر حیات، طارق تارڑ، چوہدری گلریز افضل چن، محمد ارشد چوہدری ءُ لیاقت بدر ءَ ابید چوہدری اعجاز ءُ نذر محمد گوندل ھوار اتنت۔ آواں گجرات ءَ منڈی بہائوالدین ءَ ٹوھیں کشک آنی جوڑیشت ءَ مرمت ءِ ھوالگ ءَ ھیال ریچی کت ءُ مزن وزیر ءَ را اسمبلی ءِ باسک آں وتی وتی دمگ آنی تہ ءَ جاڑیگیں دیمروئی منصوبگ آنی بابت ءَ سرپد کت۔ مزن وزیر ءَ اے گامگیج آناں ساڑات ءُ جاڑیگیں منصوبگ آنی استیں وھد ءُ پاس آنی سرجمی ءَ را دل یکیمی جوڑ کنگ ءِ پنت ءُ شون کت۔
