پاکستان ءَ سیل ءُ سواد ءَ ھواریں جتا جتائیں شوبگ آنی سرمایہ کاری ءِ دراج بُریں موہ است، حکومت میاں اوستمانی سرمایہ کار کمپنی ءَ را سرمایہ کار آنی واستہ ھمک رنگیں آسراتی پجارین ایت، مزن وزیر عمران خان ءِ ظہبی گروپ ءِ ڈل ءَ گوں تران

اسلام آباد۔22جنوری  (اے پی پی): مزن وزیر عمران خان ءَ گوشت کہ پاکستان ءَ سیل ءُ سواد ءِ جتا جتائیں شوبگ آنی سرمایہ  کار آنی دراج بُریں موہ است، حکومت میاں  اوستمانی سرمایہ کار کمپنی آناں سرمایہ کار آنی واستہ ھمک رنگیں آسراتی پجارین ایت۔  اے ھیالانی درشانی  آئی ءَ  ظہبی  گروپ ءِ ڈل ءَ گوں تران کنان ءَ گوشت کہ آئی ءَ آدینگ ءِ روچ ءَ ادا  آئی ءَ گوں گند ءُ نند   ءَ کت۔ ڈل ءَ ظہبی گروپ ءِ سی ای او تنویر حسین اعوان ، ڈائریکٹر سلمان ناصر عبداللہ البدی ءُ پاکستان ءِ کنٹری ہیڈ محمد شہباز   خان ھوار اتنت۔ اے موہ ءِ سر ءَ مزن وزیر  ءِ مشیر برائے تجارت عبدالرزاق دائود، مزن وزیر ءِ  ھاسیں کمکار برائے  پاکستانی سید ذوالفقار عباس بخاری، چیئرمین کشمیر کمیٹی شہر یار خان آفریدی ءُ چیئرمین بی او آئی عاطف بخاری ھم ساڑی اتنت۔  ڈل ءَ  مزن وزیر عمران خان ءِ ملک ءَ سرمایہ کاری ءِ دیمروئی ءِ وژن ءُ ڈنی سرمایہ کار کمپنی آنی واستہ سرمایہ کاری ءَ  آسانی پجاری کنگ ءِ گامگیج ءِ توسیت کنان  ءَ آیوکیں باندات ءَ سرمایہ کاری ءَ گیشی ءِ  ھوالگ ءَ جھلانکیں واھگ آنی درشان کت۔