اسلام آباد۔22جنوری (اے پی پی):صدر ڈاکٹر عارف علوی ءَ آڈیٹر جنرل آف پاکستان ءَ را پنت ءُ شون کت کہ آڈٹ آٹومیشن ءِ کار ءِ تہ ءَ گیش زوتی ءَ گوں سرجم بکن ات تانکہ ادارگ ءَ ساپ ءُ سلہ ئی ءَ را دل یکیمی کنگ بہ بیت، آڈیٹر جنرل ادارگ ءِ اندر ءَ استیں ھرابی آناں دور کنگ ءِ واستہ یک ماہے ءَ روڈ میپ تیار بکن ات۔ اے ھیالانی درشانی آئی ءَ آڈیٹر جنرل جاوید جہانگیر ءَ صدر ءَ را اے جی پی کارگس ءِ کار کرد ءُ انفارمیشن ٹیکنالوجی ءِ کمک ءَ چہ ادارگ ءِ کار رپک ءِ تہ ءَ گہتری آرگ ءِ گامگیج آنی سر ءَ بریفنگ دات۔ صدر عارف علوی ءَ گوشت کہ آڈیٹر جنرل ادارگ ءِ اندر ءَ استیں ھرابی آناں دور کنگ ءِ واستہ یک ماہے ءَ روڈ میپ تیار بکن ات، کسانیں جیڈھ آں گوں گر ءُ چیل بوھگ ءِ مٹ ءَ ادارگ ءِ استیں ٹوھیں جیڈھ آنی گیواری کنگ بہ بیت۔ آئی ءَ گوشت کہ آڈیٹر جنرل ادارگ ءَ استیں ھمزوری آنی ٹک ءُ نشان ءُ ایشانی گیواری کنگ بہ بیت، آڈٹ آٹومیشن ءِ کار ءَ را ترندی ءَ گوں سرجم بکن ات تانکہ ادارگ ءَ ساپ ءُ سلہ ئی ءَ را دل یکیمی کنگ بہ بیت۔
