کوئٹہ۔ 22 جنوری (اے پی پی) صوبائی وزیر حاجی نور محمد خان دمڑ پارینے کہ 5 فروری آ یوم یکجہتی کشمیر ءِ پبی وڑاٹ اڈتننگک، سنجاوی ٹی عظیم الشان ریلی و جلسہ مریک۔ داخیال آتا درشانی ءِ او تینا جاری کروک بیان اٹی کرے۔ صوبائی وزیر واسا اینڈ پی ایچ ای حاجی نور محمد دمڑ پارے کہ یوم یکجہتی کشمیر ءِ 5 فروری آ جم و جوش اٹ اڈ ایتنہ، 5 فروری آ یوم یکجہتی کشمیرآ سنجاوی ٹی اسہ عظیم الشان ریلی و جلسہ اس مریک ہرانا کماشی ٹی ای تینٹ کیوہ۔ یوم یکجہتی کشمیر ریلی ٹی سنجاوی، زیارت، ضلع ہرنائی نا غٹ پارٹی ورکر، عہدیدار و غٹ محب وطن پاکستانی تیان 5 فروری آ یوم یکجہتی کشمیر ریلی ٹی پبی بشخ ہلنگ نا خواست کیوہ کہ او یوم کشمیر نا ریلی ٹی پبی بشخ ہلیر۔ اوپارے کہ پاکستان و کشمیر اسہ ایلو کن زیل و سُوآنبار ءُ۔ کشمیری مسلمانک پاکستان نا جوڑ مننگ آن مست تینا آخبت ءِ نظریاتی وڑاٹ پاکستان تون وابستہ کریسر، ننے دا تاریخی فیصلہ غا گمر ءِ انتئے کہ اہل پاکستان آزمائش و مشکل نا ہر لمحہ ٹی کشمیری الس ءِ اسُل تنیا ہلیتنے، اوپارے کہ مقبوضہ کشمیر اٹی بھارتی فوج ظلم و جور انا اسہ چم اس ہم الیتنے ہرادے بے گناہ و بے سروسامان کشمیری الس آ آزموندہ کننگتنے ولے کشمیری الس جیرت، پامردگی و حوصلہ اٹ تینا موقف آ سلوک ءُ، مقبوضہ کشمیر اٹی بھارتی فوج، اودیم ایجنسی تا کنڈآن و دُتکی حکومت نا پالیسی نا سوب آن ہموڑے ہندن ءُ کانود اس نافذ کننگا۔ ہراڑآن ہموجاگہ نا مخلوق نا بنداوی حق ءِ کیدنگانے، ہموڑے کشمیری تا کشت وخون ءِ کننگ انگ ءِ، ہرانا درور مہذب دنیا ٹی ملیپک۔
