اسلام آباد۔ 22 جنوری (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ حکومت الس کن ویکسین نا زوت دستیابی ءِ پک کننگ کن غٹ گام گیج کننگ ءِ۔ تینا اسہ انٹرویو اسے ٹی او پارے کہ چین اٹی مقیم مینو فیکچررز سینووک و کین سینوبایولوجکس انابابت روس اتون حتمی گپ وتران کننگ ءِ۔ اوپارے کہ چین کوویڈ۔ 19 آن پد انا نازرک حالیت آتیٹی پاکستان تون پورو کمک کرینے۔ اومستی پارے کہ داہیت ستاکڑزک کہ چین پاکستان ءِ کورونا ویکسین فراوان کننگ ءِ۔ داکان بیدس، ورلڈ ہیلتھ آرگنائزیشن (ڈبلیو ایچ او) کویکس نا کمک اٹ اومیت کننگک کہ پاکستان نا 20 درسد آبادی ءِ مفت ویکسین ملک۔ اسہ سوج اسے نا ورندی ٹی اوداہم پارے کہ داسکان ہلنگ نا سہی تاریخ پیدوار اف ولے زوت ملک۔ اومستی پارے کہ ویکسین مخلوق ءِ مرحلہ وار مہیا مننگ کیک وخت اس کہ فرنٹ لائن ہیلتھ کیئرورکر آتے غٹ آن مست تننگک۔ ڈاکٹر فیصل پارے کہ حکومت چین آن ویکسین ہلنگ کن گچین بست وبند کننگ ءِ و داڑکن افرادی قوت نا ہم گرج ءِ وپورو کننگ انگ ءِ۔ اومستی پارے کہ کوویڈ۔ 19 ویکسین نا کلینیکل ٹرائل ہم است جم وڑاٹ برجاءِ۔
