اسلام آباد۔ 22 جنوری (اے پی پی) وزیراعظم نا سلاہکار واپار و زرکاری عبدالرزاق داؤد پارینے کہ آئی ٹی نا برآمد آتیٹی 43 درسد ودکی ستاکڑزک۔ جمعہ نادے آ داڑے اسہ ٹویٹ اسے ٹی اوآئی ٹی برآمد آتیٹی نمان ودکی آ خوشی نا درشانی ءِ کرسا پارینے کہ 2020ء ٹی آئی ٹی برآمد آک ودسا 194 ملین ڈالر مسنو۔ 2019 ٹی دا برآمد آک 135 ملین ڈالر ئسر۔ اوپارے کہ جولائی آن دسمبر 2020ء ٹی دا برآمد آتیٹی تدوک آ سال انا ہندا وخت انا مقابلہ ٹی چِل درسد ودکی مسنے۔ اوپارے کہ آئی ٹی نا برآمد آک داسہ ننا کل خذمت آتا برآمد آتا 33 درسد ءُ۔ اومیت کیوہ داسال آئی سی ٹی نا برآمد آک اِرا ارب ڈالرآن گدرینگرہ۔
