ہائوسنگ ءِ منصوبگ ءِ وھد ءُ پاس آنی اندر ءَ سرجمی ءِ ھوالگ ءَ ھاسیں دلگوشی دیگ بہ بیت، مزن وزیر عمران خان ءِ راجی  رابطہ کمیٹی برائے ہائوسنگ ، جوڑیشت  ءُ ڈیویلپمنٹ ءِ  ھمک ھپتگی دیوان ءَ را پنت ءُ شون

اسلام آباد۔21جنوری (اے پی پی): مزن وزیر عمران خان  ءَ پنت ءُ شون کت کہ ہائوسنگ ءِ منصوبگ  آناں گیشینتگیں وھد ءُ پاس آنی اندر ءَ سرجمی ءِ  ھوالگ ءَ ھاسیں دلگوشی دیگ بہ بیت تانکہ الس آنی واستہ زاتی ءُ کمو ھرچ ءُ درچ بزاں سستائیں گس ءِ پجاری بوت بہ کنت۔  اے ھیالانی درشانی آئی ءَ پنچ شمبے ءِ  روچ ءَ ادا  راجی رابطہ کمیٹی برائے ہائوسنگ ، جوڑیشت ءُ  ڈویلپمنٹ ءِ ھمک ھپتگی دیوان ءِ سروکی ءَ کنان ءَ کت چیئرمین نوکیں پاکستان ہاوسنگ اتھارٹی لیفٹیننٹ جنرل (ر) انور علی حیدر ءَ راجی رابطہ کمیٹی برائے ہاوسنگ، جوڑیشت ءُ ڈویلپمنٹ ءِ فورم  ءَ چہ ٹیکس آسراتی،  بینک فنانسنگ ، مارک اپ سبسڈی،  آسراتی  رجیم ءُ فور کلوزر کانود ءِ رد ءَ برآمد بوھوکیں دلبڈیں آسر آنی سر ءَ بریفنگ دات ءُ حکومتی  ءُ جندی شوبگ ءِ ہاوسنگ جوڑیشتی منصوبگ آں انوگ ءَ گتاں بوھوکیں دیمروئی کار آنی ھوالگ ءَ شریکیں مردم آناں سرپد کت۔  سیکرٹری ہاوسنگ ءَ دیوان ء۔ را بریفنگ دات کہ گوزوکیں سال ءَ کساس 660 ارب کلدار مالیت ءِ جوڑیشتی منصوبگ آنی بنگیج  بیت۔