اسلام آباد۔21جنوری (اے پی پی): بنجاھی وزیر برائے کانود ءُ انصاف بیرسٹر ڈاکٹر محمد فروغ نسیم ءَ بنجاھی دارالحکومت اسلام آباد ءُ صوبگ آنی تہ ءَ الس دوستیں کانود جوڑیشت ءُ کانودی گہتری ءَ یک وڑ کنگ ءِ سر ءَ زور پر دات۔ اے ھیالانی درشانی آئی ءَ صوبگ آنی نماھندگ آنی دیوان ءِ سروکی ءَ کنان ءَ کت۔ دیوان ءَ وزیر ءِ کانود پنجاپ محمد بشارت راجہ ءَ وزیر ءِ کانود ءَ را پنجاپ ءَ کانود جوڑیشت ءِ ھوالگ ءَ سرپد کت۔ ڈاکٹر بیرسٹر فروغ نسیم ءَ گوشت کہ اینٹی ریپ کانود ءِ برجائی ءَ پنجاپ حکومت ءِ کمک ارزشتی انت۔ صوبائی وزیر کانود بشارت راجی ءَ بنجاھی وزیر کانود ءَ را گوشت کہ ویمن پرٹیکشن اتھارٹی اے کانود ءَ پد ءُ رند ءَ ارزشتی ایں کرد پیلو کنت انت۔ بنجاھی وزیر کانود ءَ پنت ءُ شون کت کہ بنجاھ ءُ صوبگ آنی نیام ءَ کمک ءَ گیش گہتری ءِ واستہ توامیں ارزشتی ایں بلز آں چہ صوبائی حکومت آناں ھم سرپد کنگ بہ بیت۔
