کراچی ۔21جنوری (اے پی پی):گورنر سندھ عمران اسماعیل ءَ گوں سی ای او ایبٹیک لمیٹڈ انظیم بلوانی ءَ گورنر گس ءَ گند ءُ نند کت۔ جاڑی بوتگیں جار ءِ رد ءَ گند ءُ نند ءَ ملک ءَ ڈیجیٹل میڈیا ءِ دیمروئی ءُ ملک ءِ دیمروئی ءِ ھوالگ ءَ گپ ءُ تران کنگ بوت۔ سی ای او ایبٹیک لمیٹڈ انظیم بلوانی ءَ گورنر سندھ ءَ را گوشت کہ مزن وزیر ءِ ویژن ءِ رد ءَ ڈیجیٹل میڈیا ءِ جوڑیشت ءِ واستہ آشوبی گامگیج کنگ ءَ آں ءُ انوگ ءَ تاں لُکوکیں وھد ءُ پاس ءَ 1600 مردم آناں نوکری پجاری کتگ وھدیکہ اے سال ءَ گیش 2000 مردم آناں نوکری پجاری کنگ بیت۔ آئی ءَ گوشت کہ گوستگیں سال ءَ 36 ملین ڈالر ریونیو جینریٹ کنگ بیت۔ گورنر سندھ ءَ سی ای او ایبٹیک ءِ ساپ دلیں کوشست آناں توسیپ ءُ ستا پیش کنان ءَ استیں مشکل ءُ جیڈھ آنی گیواری ءِ رد ءَ ھمک رنگیں کمک کنگ ءِ دل یکیمی کنائینت۔
