براڈشیٹ جیڈھ  ءِ  ھوالگ ءَ مزن وزیر عمران خان انکوائری کمیٹی  پیسر ءَ جوڑ کتگ، آ 45 روچ ءَ انکوائری سرجم کنت، بنجاھی وزیر اھوالکاری ءُ شنگ کاری سینیٹر شبلی فراز ءِ راجی اسمبلی ءِ قائمہ کمیٹی اھوالکاری ءُ شنگ کاری ءِ دیوا ن ءَ ھیال آنی درشانی

اسلام آباد۔21جنوری  (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ براڈ شیٹ جیڈھ ءِ  ھوالگ ءَ مزن وزیر عمران خان  انکوائری کمیٹی پیسر ءَ جوڑ کتگ ایش 45 روچ آنی اندر ءَ سرجم کنگ بیت۔ آ راجی اسمبلی  ءِ قائمہ کمیٹی اھوالکاری ءُ شنگ کاری ءِ دیوان ءَ گشتانک دیگ ءَ ات۔ قائمہ کمیٹ ءِ دیوان  پنچ شمبے ءَ چیئرمین کمیٹی جاوید لطیف ءِ سروکی ءَ پارلیمنٹ گس ءَ برجم  دارگ بوت۔  بنجاھی وزیر سینیٹر شبلی فراز ءَ گوشت کہ انکوائری  رپوٹ اھوالکاری کمیٹی ءِ  گوما شیئر کنگ  بنت۔ بنجاھی وزیر ءَ گوشت کہ براڈ شیٹ جیڈھ اھوالکاری کمیٹی ءِ   توک ءَ نہ ائیت۔ اے وڑیں زمانگ ءَ وھد ءِ انکوائری کمیٹی  جوڑ بوتگ گڈا کمیٹی ءِ نیمگ ءَ چہ چیئرمین نیب ءِ لوٹ    کوراسی  پیداک کنت۔ آئیءَ شور ءُ سلاھ دات کہ وھد ءِ انکوائری  کمیٹی ءِ رپوٹ کئیت گڈا کمیٹی  ایشی ءَ چہ پد  المی پھ ایت  گڈسا اے جیڈھ ءِ سر ءَ باست ءُ واست بکنت۔  آئیءَ گوشت کہ اگاں کمیٹی چیئرمین نیب  ءَ را لوٹ کنت گڈا ایشی اندر ءَ ھواریں پیسریگیں مزن وزیر ءَ  ھوار توامیں دست مانجنیں مردم آناں  گوانک جنگی انت۔  آئی ءَ گوشت کہ گوستگیں پنچ سال آنی ساھت ءَ کمیٹی ءَ اچبر اے رنگیں ایجنڈا نہ زرتگ۔ آئیء۔ گوشت کہ پی ٹی آئی ءَ را براڈ شیٹ  ءِ جیڈح آنی سر ءَ پگر نیست انت، چیا کہ اے سرجمیں  جیڈھ ءَ گوں مئے گل ءِ اچ سیادی نیست۔ پی ٹی آئی ءِ ایم این اے فرخ حبیب ءَ گوشت کہ اگاں کمیٹی چیئرمین نیب ءَ را گوانک جنت گڈا جیڈھ ءِ توامیں   تک ءُ پھنات آنی سر ءَ گپ بہ بیت۔  آئی ءَ گوشت کہ چیئرمین نیب ءِ  گوانک جنگ کمیٹی ءِ کارگشتاد  ءِ تہ ءَ نہ انت۔