اسلام آباد۔ 21 جنوری (اے پی پی) اسپیکر قومی اسمبلی اسد قیصر تون آئی جی اسلام آباد پولیس قاضی جمیل الرحمان پنچ شنبے نادے آ اوڑدہی کرے ہراٹی دارالحکومت اٹی امن و ایمنی و پولیس نا کسبی باندات آ گپ وتران کننگا۔ اسپیکر پارے کہ بنجائی دارالحکومت نا پولیس فورس ءِ کسبی کننگ نا گرج ءِ۔ اسلام آباد ناہنکینی تے رکھ فراوان کننگ پولیس نا بنداوی زمواری ءِ، اسپیکر قومی اسمبلی پارے کہ پولیس ءِ کسبی زمواری تتون اوار اوار الس دوست پالیسی تیا عمل کننگ نا گرج ءِ۔ ڈوہ و راجی گندہ ئی تا چٹفنگ کن پولیس فورس انا کڑد بھاز اہمیت تخک۔ اسپیکر قومی اسمبلی آئی جی ءِ الس نا جان ومال انا رکھ ءِ پک کننگ نا ہم پارت کرے۔ آئی جی اسپیکر ءِ پولیس اصلاحات نا بابت بریف کرے و پارے کہ اسلام آباد پولیس فورس ءِ ماڈل پولیس اس جوڑ کینہ۔
