کراچی۔ 21 جنوری (اے پی پی) بنجائی وزیر داخلہ شیخ رشید احمد پارینے کہ اپوزیشن ءِ وزیراعظم عمران خان نا پارت آ الیکشن کمیشن نا دفتر نا مون آ ریڈزون اٹ برانز کننگ نا موکل تس، اپوزیشن ہم کمک کرے و نن ہم کمک کرین، اپوزیشن اگہ لانگ مارچ اٹی ہم داوڑ کمک کیک تو نن ہم کمک کینہ، رینجرز کراچی ٹی زبردست و تاریخی کاریم کننگ ءِ، رینجر کراچی ٹی امن ءِ پک کرینے، کراچی ءِ رکھوک شار اس جوڑ کننگ خوانہ، رینجر ءِ مچ آ شار اٹی کیمرہ خلنگ نا پارینن، وزیراعلیٰ سندھ مراد علی شاہ تون فنڈزارے، یقین ءِ کہ سندھ حکومت داڑکن فنڈنگ کیک، جمعیت علماء اسلام و پی ڈی ایم نا راہشون مولانا فضل الرحمان غٹ آن زیات نسخان اٹی رہینگوک آ سیاسی شخصت مریک۔ او پنچ شنبے نادے آ ڈی ایچ اے کورنگی ٹی نادرا میگا سینٹر نا دورہ غان پد پریس کانفرنس آن تران کرساکریکہ۔ وزیر داخلہ پارے کہ دینی شخصیت نا حیثیت اٹ مچ آ زند مولانا فضل الرحمان نا شرف ءِ کیوہ، کنا کنڈآن مولانا کن شرف نا رشتہ مریک۔ اینو کراچی ٹی مروک آ اسرائیل مخالف ریلی نا سوج آ اوپارے کہ ملک اٹی ہچ کس ءِ جرات اف کہ اسرائیل ءِ امنا کے۔ اگہ مولانا فضل الرحمان اسرائیل مخالف ریلی ٹی کنے ہم سلہ خلککہ تو ای ہم وار مسٹہ۔ شیخ رشید احمد پارے کہ نواز شریف خاہوت نا پین جائیداد پیش تمنگ ءُ۔ اوپارے کہ مولانا فضل الرحمان ءِ اسہ خبر اس تننگ خواوہ کہ دا غٹ انا باندات مولانا فضل الرحمان نا کھاتہ ٹی تمنگ والا ءُ، نم نسخان اٹی مریرے۔ دابھاز سمجھدار ءُ، اوپارے کہ اپوزیشن ءِ وزیراعظم عمران خان نا پارت آ الیکشن کمیشن نا دفتر نا پیشن ریڈزون اٹ برانز کننگ نا موکل تس۔ اپوزیشن ہم کمک کرے و نن ہم کمک کرین، اپوزیشن اگہ لانگ مچار اٹی ہم ہنداوڑ کمک کیک تو نن ہم کمک کینہ۔ شیخ رشید احمد پارے کہ اینو رینجرہیڈکوارٹر نا دورہ ءِ کریٹ و پگہ پاکستتان کوسٹ گارڈ انا دورہ ءِ کننگ آن پد ایف سی نا دفتر آتا ہم دورہ ءِ کیوہ۔ بنجائی وزیر داخلہ پارے کہ نن نادرا نا پین مسہ دفتر ملنگ والا اُن ہرا 24 گھنٹہ کاریم کیرہ وخت اس کہ پنچ دفتر ڈبل شفٹ اٹ کاریم کیرہ۔ ہڑدے اسہ لکھ مخلوق ءِ مفت شناختی کارڈ فراوان کینہ۔ اوپارے کہ 300 پوسکن ءُ گاڈی تیار مننگ ءِ ہرافتے ٹی دا آسراتی مریک کہ اگہ کاغد آتیا اعتراض مف تو کارڈ ہلنگ کن دفتر آ ہِننگ نا جاگہ غا گاڈی آن ہی کارڈ ملنگ کیک۔ بنجائی وزیر داخلہ مچ آ پاکستان اٹی تحصیل نا کہول آ نادرا نا دفتر آتا ملنگ نا پڑو ءِ کرسا پارے کہ پاسپورٹ نا معیاد ءِ دہ سال کننگ اُن و دانا فیس ہمو مریک ہرا پنچ سالہ پاسپورٹ نا فیس ءِ۔ داکان بیدس پاسپورٹ ءِ جہانی آب انا رداٹ کننگ کن داٹی چِپ خلنگ اُن، اسمارٹ پاسپورٹ جوڑ کینہ، ایئر پورٹ آتے ہم پین گچین کننگ کن آسراتی تننگ والا اُن۔ بنجائی وزیر داخلہ پارے کہ مخلوق نا ہراغاوک ءُ، کوشست کینہ اوفتا ازالہ ءِ کننگ کین۔ شیخ رشید احمد پارے کہ سندھ اٹی 62 نادرا سینٹر ءُ، نادرا ءِ مخلوق نا آب انا رداٹ جوڑ کروئی ءِ، مخلوق نا غاوتے مُر کننگ کن بسونٹ، ولے شناختی کارڈ ہمودے ملک ہراپاکستانی اس مریک۔ اوپارے کہ وزیر داخلہ نا حیثیت اٹ وزیراعظم عمران خان کنے ہرا زمواری تے تسنے اوفتے پورو کیوہ و اوٹی پین اسے نیام تمنگ کن الیپرہ۔
