جنوبی وزیرستان۔20جنوری (اے پی پی): مزن وزیر عمران خان ءَ چار شمبے ءَ وتی وزیرستان ءِ تر ءُ تاب ءَ احساس کفالت پروگرام ءِ بنگیج کت ءُ ضلع ءَ اولی رند ءَ برجم بوھوکیں ڈیجیٹل سروے ءِ چار ءُ تپاسی کت، احساس راجی چاگردی ءُ معاشی سروے ایشی ءِ چیر دستی ءَ ضلع ءَ بزگریں مردم آناں احساس کفالت ءُ ایندگر وظیفہ دیگ بیت، ایشی 9 جنوری 2021 ءَ بنگیج کنگ بوتگ۔ مزن وزیر ءِ ھاسیں کمکار ڈاکٹر ثانیہ نشتر ءَ گوشت کہ اولی رند ءَ اے ضلع ءَ آباتی ءَ یک ساپ ءُ سلہ ءُ کانودی چاگردی رکھینگی پروگرام ءَ سیت مند بنت۔ آئی ءَ گیش تران کت ءُ گوشت کہ احساس ءِ سروے کنوک گس گس ءَ رونت ٹیبلٹس ءِ وسیلگ ءَ ضلعی بنیات آنی مالوم داری یکجا کن انت۔ مزن وزیر ءَ زرباری وزیرستان ءَ احساس ڈیجیٹل ادائیگی ءِ نظام ءِ وسیلگ ءَ احساس کفالت بزگر آناں زر ءِ بھر ءُ بانگ ءِ کار رپک آنی چار ءُ تپاسی گپت۔ احساس کفالت حکومت ءِ ارزشتی ایں سیفٹی نیٹ پروگرام انت ایشی ءِ چیر دستیءَ سرجمیں ملک ءَ گریبیں زالبول آناں ھمک ماھ 2 ہزار کلدار ءُ سیونگ بینک اکائونٹ ءِ آسراتی پجاری کنگ بیت۔ استیں نوکیں ڈیجیٹل سروے زرباری وزیرستان ءَ مزنیں کساس ءَ چاگردی رکھینگی گامگیج ءِ پجاری ءِ بنیات ءَ ایر کنت۔
